പൂഞ്ഞാർ ദേശം

ഈ ലേഖനം പഴയ പൂഞ്ഞാർ രാജ്യം എന്ന വിഷയത്തെക്കുറിച്ചുള്ളതാണ്. ഇന്നത്തെ ഒരു പട്ടണമായ പൂഞ്ഞാർ എന്ന വിഷയത്തെക്കുറിച്ച് അറിയണമെങ്കിൽ, പൂഞ്ഞാർ എന്ന താൾ കാണുക.

മധുര പാണ്ഡ്യവംശത്തിൽപ്പെട്ട ഒരു രാജകുടുംബത്തിന്റെ ഭരണത്തിലിരുന്ന ചെറിയ രാജ്യമായിരുന്നു പൂഞ്ഞാർ. ഈ വംശത്തിന്റെ സ്ഥാപകൻ മാനവിക്രമകുലശേഖരപ്പെരുമാളാണെന്ന് വിശ്വസിക്കപ്പെടുന്നു. മാർത്താണ്ഡവർമ്മ തെക്കുംകൂർ പിടിച്ചടക്കിയപ്പോൾ പൂഞ്ഞാർ അദ്ദേഹത്തിന്റെ നിയന്ത്രണത്തിലായി. പാണ്ഡ്യരാജാക്കന്മാർ തെക്കുംകൂർ, വടക്കുംകൂർ രാജാക്കന്മാരോട്‌ വിലയ്‌ക്കുവാങ്ങി സ്‌ഥാപിച്ചതാണ്‌ ഈ രാജ്യം.