പുൻടിയസ് നെൽസണി

കേരളത്തിൽ നിന്നും കണ്ടെത്തിയ പുതിയ ഇനം മത്സ്യമാണ് പുൻടിയസ് നെൽസണി (ശാസ്ത്രീയനാമം: Puntius nelsoni). കൊല്ലം ചവറ ഗവൺമെന്റ് കോളേജ് സുവോളജി വിഭാഗം മേധാവി പ്രൊഫസർ മാത്യൂസ് പ്ലാമൂട്ടിലാണ് പുതിയ ഇനത്തെ തിരിച്ചറിഞ്ഞത്. തിരുവല്ലയ്ക്കടുത്ത് പമ്പാനദിയും മണിമല നദിയും ചേരുന്ന ഭാഗമായ കല്ലുങ്കൽ എന്ന സ്ഥലത്തുനിന്നാണ് ഇവയെ കണ്ടെത്തിയത്. കോഴഞ്ചേരി സെന്റ് തോമസ് കോളേജിലെ സുവോളജി വിഭാഗം പ്രൊഫസർ ഡോ. നെൽസൺ പി. എബ്രഹാമിനോടുള്ള ബഹുമാനാർത്ഥമാണ് മത്സ്യത്തിന് ഈ പേരു നൽകിയത്.

Puntius nelsoni
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Actinopterygii
Order:	Cypriniformes
Family:	പരൽ
Genus:	Puntius
Species:	P. nelsoni
Binomial name
Puntius nelsoni Plamoottil, 2015

വിവരണം

മത്സ്യത്തിന്റെ തലയ്ക്ക് ഉയരം കൂടുതലാണ്. ഇവയുടെ ചുണ്ട് കുറുകിയതും വായ് വിസ്താരമുള്ളതുമാണ്. ശരീരത്തിനും ചിറകുകൾക്കും മഞ്ഞനിറമാണുള്ളത്. ഇവയുടെ ചെകിളമൂടിക്ക് വെളിയിലായി കറുത്ത വരയും ഉച്ചിയിൽ പച്ചനിറമുള്ള ഒരു മറുകും ഉണ്ട്.

പുറത്തേക്കുള്ള കണ്ണികൾ

• വിവരങ്ങളും, ചിത്രവും