പുഷ്പ കമൽ ദഹൽ
പുഷ്പ കമൽ ദഹൽ, ജനനം 11 ഡിസംബർ 1954, നേപ്പാളിന്റെ പ്രധാനമന്ത്രിയായി ചുമതല വഹിക്കുന്നു. ഫെഡറൽ ഡെമോക്രാറ്റിക് റിപ്പബ്ലിക് ഓഫ് നേപ്പാളിന്റെ ആദ്യ പ്രധാനമന്ത്രിയായി 2008 മുതൽ 2009 വരെയും 2016 മുതൽ 2017 വരെയും അദ്ദേഹം പ്രധാനമന്ത്രി സ്ഥാനം വഹിച്ചിട്ടുണ്ട്.[1] [2]
പുഷ്പ കമൽ ദഹൽ | |
|---|---|
 | |
| നേപ്പാൾ പ്രധാനമന്ത്രി | |
പദവിയിൽ | |
| ഓഫീസിൽ 26 ഡിസംബർ 2022 | |
ജീവിതരേഖ
തിരുത്തുകപോഖ്റയിൽ നിന്ന് 20 കിലോമീറ്റർ വടക്കുള്ള വിഡിസിയിലുള്ള ധിക്കൂർ പൊഖാരിയിലെ ലെവാഡിൽ ജനിച്ച ദഹൽ, തന്റെ കുട്ടിക്കാലത്തിന്റെ ഭൂരിഭാഗവും ചിത്വാനിലാണ് ചെലവഴിക്കുകയും, അവിടെ ചിത്വാനിലെ രാംപൂരിലുള്ള ഇൻസ്റ്റിറ്റ്യൂട്ട് ഓഫ് അഗ്രികൾച്ചർ ആൻഡ് അനിമൽ സയൻസിൽ (IAAS) നിന്ന് കൃഷിയിൽ സയൻസ് ഡിപ്ലോമ നേടുകയും ചെയ്തു. ചെറുപ്പത്തിൽ കടുത്ത ദാരിദ്ര്യം കണ്ടതിനെ തുടർന്നാണ് അദ്ദേഹം ഇടതുപക്ഷ രാഷ്ട്രീയ പാർട്ടികളിൽ ചേർന്നത്. 1981-ൽ അദ്ദേഹം കമ്മ്യൂണിസ്റ്റ് പാർട്ടി ഓഫ് നേപ്പാളിൽ ചേർന്നു, പിന്നീട് 1989-ൽ കമ്മ്യൂണിസ്റ്റ് പാർട്ടി ഓഫ് നേപ്പാളിന്റെ ജനറൽ സെക്രട്ടറിയായി. ഈ പാർട്ടി പിന്നീട് കമ്മ്യൂണിസ്റ്റ് പാർട്ടി ഓഫ് നേപ്പാൾ (മാവോയിസ്റ്റ്) ആയി. രാജ്യത്തെ ആഭ്യന്തര യുദ്ധത്തിലും തുടർന്നുള്ള സമാധാന പ്രക്രിയയിലും ഒന്നാം നേപ്പാൾ ഭരണഘടനാ അസംബ്ലിയിലും കമ്മ്യൂണിസ്റ്റ് പാർട്ടി ഓഫ് നേപ്പാളിന്റെ (മാവോയിസ്റ്റ്) നേതാവായിരുന്നു ദഹൽ.
രാഷ്ട്രീയം
തിരുത്തുക2008-ലെ തിരഞ്ഞെടുപ്പിൽ, CPN(M) ഏറ്റവും വലിയ കക്ഷിയായി ഉയർന്നു, ആ വർഷം ഓഗസ്റ്റിൽ ദഹൽ പ്രധാനമന്ത്രിയായി. 2009 മെയ് 4-ന് അന്നത്തെ കരസേനാ മേധാവി ജനറൽ റൂക്മാൻഗുഡ് കടവാളിനെ പുറത്താക്കാനുള്ള അദ്ദേഹത്തിന്റെ ശ്രമത്തെ അന്നത്തെ രാഷ്ട്രപതി രാം ബരൺ യാദവ് എതിർത്തതിനെത്തുടർന്ന് അദ്ദേഹം ആ സ്ഥാനം രാജിവച്ചു.2022-ലെ നേപ്പാൾ പൊതുതെരഞ്ഞെടുപ്പിനെത്തുടർന്ന്, CPN (UML), രാഷ്ട്രീയ സ്വതന്ത്ര പാർട്ടി, രാഷ്ട്രീയ പ്രജാതന്ത്ര പാർട്ടി എന്നിവയുൾപ്പെടെയുള്ള രാഷ്ട്രീയ പാർട്ടികളുമായുള്ള സഖ്യത്തോടെ, ദഹൽ 2022-ൽ ഒരിക്കൽ കൂടി പ്രധാനമന്ത്രിയായി സത്യപ്രതിജ്ഞ ചെയ്തു.
അവലംബം
തിരുത്തുക- ↑ "Maoist chief Pushpa Kamal Dahal 'Prachanda' becomes Nepal's new PM". The Indian Express (in ഇംഗ്ലീഷ്). 2022-12-25. Retrieved 2023-01-24.
- ↑ "Dahal elected 39th prime minister of Nepal". kathmandupost.com (in English). Retrieved 2023-01-24.
{{cite web}}: CS1 maint: unrecognized language (link)