പുഴക്കര ഇല്ലം

പുഴക്കര ഇല്ലം

പുഴക്കര പള്ളി , ചാലിയം

സാമൂതിരി വാണീടും കോഴിക്കോട് രാജ്യത്തെ ചാലിയത്ത് ബ്രാഹ്മണ ജന്മി തമ്പുരാക്കന്മാരുടെ കോവിലകമായിരുന്നു പുഴക്കര ഇല്ലം / പൊഴക്കരെ ഇല്ലം. മലയാള രാജാവ് ചേരമാൻ പെരുമാൾളിന്റെ മന്ത്രിമാരിൽ പ്രമുഖസ്ഥാനം വഹിച്ചിരുന്ന കൃഷ്മുൻജാദ് തിരുമുൽപ്പാടായ ഈ കോവിലകം അറേബ്യായായിൽ നിന്നും ചാലിയത്തെത്തിയ ഇസ്‌ലാമിക പണ്ഡിതൻ മാലിക്ക് ദീനാർറിലൂടെ ഇസ്‌ലാമിലേക്ക് മാർക്കം കൂടിയ ബ്രാഹ്മണ ഇല്ലങ്ങളിൽ പ്രധാനികളായാണ് കണക്കാക്കപ്പെടുന്നത്. മാലിക്ക് ദീനാറിനോടൊപ്പം വന്ന പെരുമാളിന്റെ മരുമകനും, പുഴക്കരക്കാരുടെ ബന്ധുവും ആയിരുന്ന കോഹിനൂർ രാജകുമാരൻ എന്ന സൈഫുദ്ദീൻ മുഹമ്മദലി, കൃഷ്മുൻജാദ് എന്ന ഹുസൈൻഖാജ എന്നിവരുടെ ശ്രമ ഫലമായാണ് ഇവരുടെ മതം മാറ്റമെന്ന് വിശ്വസിക്കപ്പെടുന്നു.

പുഴക്കരക്കാർ ദാനം നൽകിയ സ്ഥലത്താണ് ഇന്ത്യയിലെ രണ്ടാമത്തെ പള്ളിയും , മലബാറിലെ ആദ്യ മുസ്ലിം പള്ളിയുമായ പുഴക്കര പള്ളി സ്ഥിതി ചെയ്യുന്നത്. മാലിക് ഇബ്നു ഹബീബാണ് ഈ പള്ളി നിർമ്മിച്ചതെന്ന് കരുതപ്പെടുന്നു. മാലിക് ദീനാറും ശിഷ്യരും ഈ പള്ളിയിൽ പ്രാർത്ഥന നടത്തിയിരുന്നു. പുഴക്കര കോവിലക കുടുംബാംഗങ്ങളിൽ ബഹുഭൂരിഭാഗവും പിന്നീട് മാലിക് ഹബീബിനോടൊപ്പം ദക്ഷിണ കാനറ ഭാഗത്തേക്ക് യാത്രപോയി എന്ന് കരുതപ്പെടുന്നു.