തായ്‍വാനിലെ നാന്റോ കൗണ്ടിയിലെ ഒരു ടൗൺഷിപ്പാണ് പുലി ടൗൺ‌ഷിപ്പ് . [1] പുലി ബേസിനകത്താണ് പുലി ടൗൺഷിപ്പ് സ്ഥിതിചെയ്യുന്നത്. തായ്‌വാനിലെ ഭൂമിശാസ്ത്രപരമായ കേന്ദ്രമാണിത്.

Puli Township
埔里鎮
Aerial view of Puli Basin
Aerial view of Puli Basin
Location of Puli in Nantou County
Location of Puli in Nantou County
CountryTaiwan
CountyNantou
ഭരണസമ്പ്രദായം
 • MagistrateZhou Yixiong
വിസ്തീർണ്ണം
 • ആകെ162.22 ച.കി.മീ.(100.80 ച മൈ)
ഉയരം
445 മീ(1,460 അടി)
ജനസംഖ്യ
 (December 2014)
 • ആകെ83,021
വെബ്സൈറ്റ്http://www.puli.gov.tw
പുലി, നാന്റോ ടൗൺഷിപ്പ് ഡൗൺടൗൺ
പുലി ടൗൺ‌ഷിപ്പ് ഓഫീസ്

പേരിനുപിന്നിൽ തിരുത്തുക

പത്തൊൻപതാം നൂറ്റാണ്ടിൽ ഈ നഗരം പോസിയ അല്ലെങ്കിൽ പോ-ലി-സിയ എന്നാണ് അറിയപ്പെട്ടിരുന്നത്[2] 埔裏社. "നക്ഷത്രങ്ങളുടെ വീട്" എന്ന അർത്ഥം വരുന്ന സബഹ ബകലാസ് എന്നായിരുന്നു ഇതിന്റെ അത്യാൽ ഭാഷയിലുള്ള പേര്. [3] 1920 മുതൽ ജാപ്പനീസ് കാലഘട്ടത്തിൽ ഈ പട്ടണം തായ്‌ചെ പ്രിഫെക്ചറിലെ നോക്കോ ജില്ലയിലെ (能高郡?) ഹോരി ടൗൺ (埔里街?) ആയാണ് ഭരിക്കപ്പെട്ടിരുന്നത്.

ചരിത്രം തിരുത്തുക

ക്രിസ്തുമതത്തിന്റെ വ്യാപനം തിരുത്തുക

1870-ൽ പോ-ലി-സിയ സ്വദേശിയായ ഖായ്-സാൻ തായ്‌വാൻ-ഫു (ഇന്നത്തെ തായാനൻ ) ലെ ഒരു മിഷനറി ആശുപത്രിയിൽ ഒരു മെഡിക്കൽ പ്രശ്നത്തിനായി ചികിത്സ നേടി, ക്രിസ്തുമതത്തെക്കുറിച്ച് പഠിച്ചു. നാട്ടിൽ തിരിച്ചെത്തിയ അദ്ദേഹം ക്രിസ്തുമതത്തെക്കുറിച്ചുള്ള വിവരങ്ങൾ അവിടത്തെ ജനങ്ങൾക്കിടയിൽ പ്രചരിപ്പിച്ചു. തായ്‌വാൻ-ഫൂവിൽ പോ-ലി-സിയയിൽ ക്രിസ്തുമതം വ്യാപിച്ചതായി റിപ്പോർട്ടുകൾ വന്നതിനെത്തുടർന്ന് 1871 ജൂലൈയിൽ രണ്ട് പ്രാദേശിക മതപ്രസംഗകരെ ഈ പ്രദേശത്തേക്ക് അയച്ചു. ഈ പ്രദേശത്ത് "ക്രിസ്തുമതത്തിന് അനുകൂലമായ ഒരു പ്രസ്ഥാനം ശരിക്കും നടന്നിട്ടുണ്ട്" എന്ന് അവർ റിപ്പോർട്ട് ചെയ്തു. കാനഡ പ്രെസ്ബൈറ്റീരിയൻ മിഷനിലെ അംഗങ്ങൾ 1872 മാർച്ചിൽ ഈ പ്രദേശം സന്ദർശിച്ചു. 1872 ന്റെ അവസാനത്തിൽ ഒരു സായുധ സേനയുടെ ഭാഗമായിരുന്ന വില്യം കാംപ്ബെൽ ടോ-സിയയ്ക്കും പോ-ലി-സിയയ്ക്കുമിടയിലുള്ള കാടും പർവതങ്ങളും അരുവികളും കടന്ന് പോ-ലി-സിയയിൽ ജീവിച്ചിരുന്ന ജനങ്ങളെ ജ്ഞാനസ്നാനത്തിനുള്ള സ്ഥാനാർത്ഥികളെ പരിശോധിക്കുന്നതിൽ പങ്കെടുപ്പിച്ചു. [2]

ചി ചി ഭൂകമ്പം തിരുത്തുക

1999 ൽ ഉണ്ടായ ഭൂകമ്പത്തിൽ ഈ പട്ടണം തകർന്നു. പുലി ടൗൺ‌ഷിപ്പിനുള്ളിൽ സ്ഥിതിചെയ്യുന്ന ഒരു ചെറിയ ഗ്രാമമായ താവോമിയിലാണ് നാശനഷ്ടം ഏറ്റവും ശക്തമായി അനുഭവപ്പെട്ടത്. 10 വർഷത്തിനുശേഷം, തായ്‌വാനിലെ ഇക്കോ ടൂറിസം വ്യവസായത്തിന്റെ അഭിമാനമായി ഈ ഗ്രാമം സ്വയം പുനർനിർമ്മിച്ചു. പ്രത്യേകിച്ചും പുലി ടൗൺ‌ഷിപ്പിലെ പ്രധാന ആകർഷണമായ പേപ്പർ ഡോം തുറന്നതിനുശേഷം, തയോമി വില്ലേജ് [4] ഒരു സാധാരണ കാർഷിക ഗ്രാമത്തിൽ നിന്ന് പരിസ്ഥിതിസൗഹൃദ ടൂറിസം, സാമൂഹിക വികസനം എന്നിവ നടക്കുന്ന തിരക്കേറിയ ഗ്രാമമായി മാറി. അതിനുശേഷം അഭൂതപൂർവ്വമായ വളർച്ച നടക്കുകയും താവോമി ഗ്രാമം ഒരു പ്രധാന കാർഷിക കേന്ദ്രമായി സ്വയം വികസിക്കുകയും ചെയ്തു.

അഡ്മിനിസ്ട്രേറ്റീവ് ഡിവിഷനുകൾ തിരുത്തുക

തുന്ഗ്മെൻ, പഛെൻഗ്, പിപ, ഷുഇറ്റൗ, ക്വിലിൻ, ജ്ഹുഗെ, ക്സിയാൻ, ക്സിമെൻ, നന്മെൻ, ബെഇമെൻ, ബെഇഅൻ, ബൈമെയ്, തൈയാൻ, ദനൻ, വുഗൊങ്ങ് തൊൻഗ്ഷെങ്ങ്, ക്വിൻഗ്ക്സിൻ, ക്സുൻഹുവ, ഡചെങ്ങ്, ലാൻചെങ്ങ്, ടഓമി, ചെങ്ങ്ഗോങ്ങ്, നാൻകുൻ, ഐലാൻ, ടൈഷാൻ, ഫാംഗ്ലി, ക്സിയാങ്ങ്ഷാൻ, യിക്സിൻ, ഗെചെംഗ്, ഗ്വാങ്‌ചെംഗ്, ഷിഗാംഗ്, ഫക്സിംഗ്, നിയാമിയൻ വില്ലേജ് എന്നിവയാണ് ഇവിടത്തെ അഡ്മിനിസ്ട്രേറ്റീവ് ഡിവിഷനുകൾ

സമ്പദ്‍വ്യവസ്ഥ തിരുത്തുക

 
പുലിയിലെ പേപ്പർ ഫാക്ടറി

പുലി ടൗൺഷിപ്പിൽ ദേശീയ ഉടമസ്ഥതയിലുള്ള മദ്യവിൽപ്പനശാലയുണ്ട്. പുലിയിലെ പ്രധാന സാമ്പത്തിക പ്രവർത്തനങ്ങളിലൊന്നാണ് ടൂറിസം . തായ്‌വാനിലെ പർവതനിരയിലാണ് ഇത് സ്ഥിതിചെയ്യുന്നത്, കൂടാതെ നിരവധി വിനോദസഞ്ചാര കേന്ദ്രങ്ങളും സമീപത്തുണ്ട്.

വിദ്യാഭ്യാസം തിരുത്തുക

ദേശീയ ചി നാൻ സർവകലാശാല പുലി ടൗൺഷിപ്പിൽ സ്ഥിതിചെയ്യുന്നു.

വിനോദസഞ്ചാര കേന്ദ്രങ്ങൾ തിരുത്തുക

പുലിയിലെ പ്രധാന വിനോദസഞ്ചാര കേന്ദ്രങ്ങൾ താഴെപ്പറയുന്നവയാണ്.

  • കാങ് ജി ജി ലോഹാസ് വില്ലേജ്
  • ചുങ് തായ് ചാൻ മൊണാസ്ട്രി
  • തായ്‌വാനിലെ ഭൂമിശാസ്ത്ര കേന്ദ്രം
  • ഹംഗ് ഗീ ബീസ് ഫാം
  • നോക്ക് ഓൺ വുഡ് വർക്കിങ്ങ്
  • മുഹ് ഷെങ് മ്യൂസിയം ഓഫ് എൻ‌ടോമോളജി
  • ലിയുട്ടൻ

ഗതാഗതം തിരുത്തുക

പുലി ടൗൺ‌ഷിപ്പിന് ഏറ്റവും അടുത്തുള്ള ട്രെയിൻ സ്റ്റേഷൻ ഷുയിലി ടൗൺ‌ഷിപ്പിലെ ചെചെംഗ് സ്റ്റേഷനാണ് .

ദേശീയപാത 6 ന്റെ ഒരറ്റത്താണ് പുലി സ്ഥിതിചെയ്യുന്നത്. ദേശീയപാത 6 പുലിയിലൂടെ തെക്കൻ തായ്‍വാനിലെ തായ്ചുങ്ങിലേക്കും നാന്റൗ നഗരത്തിലേക്കും പോകുന്നു. ദേശീയപാതയുടെ കിഴക്കേയറ്റം ഹെഹുവാൻഷാൻ പർവ്വതപാതയിലേക്ക് ബന്ധപ്പെട്ടിരിക്കുന്നു. ഈ പാത കിഴക്കൻ തീരത്തുള്ള ഹുവാലിയെൻ പട്ടണം വരെ നീണ്ടുകിടക്കുന്നു. ഈ പർവ്വതപാത സമുദ്രനിരപ്പിൽ നിന്ന 3275 മീറ്റർ ഉയരത്തിലാണ് സ്ഥിതിചെയ്യുന്നത്. കിഴക്കൻ തീരവും പടിഞ്ഞാറൻ തീരവും തമ്മിൽ നേരിട്ട് ബന്ധിപ്പിക്കുന്നതും ദ്വീപിന്റെ മദ്ധ്യത്തിലൂടെ കടന്നുപോകുന്നതുമായ ദേശീയപാതയാണ് പുലിയിലൂടെ കടന്നുപോകുന്നത്.

ശ്രദ്ധേയരായ വ്യക്തികൾ തിരുത്തുക

പുലി ടൗൺഷിപ്പിലെ ശ്രദ്ധേയരായ വ്യക്തികൾ താഴെപറയുന്നവരാണ്.

  • മുൻ നടി ചാങ് മെയ്-യാവോ
  • ലിൻ ചോ-ഷുയി, എഴുത്തുകാരൻ, പത്രം എഡിറ്റർ, രാഷ്ട്രീയക്കാരൻ
  • മാ വെൻ-ചുൻ, ലെജിസ്ലേറ്റീവ് യുവാൻ അംഗം
  • സായ് ഹുവാങ്-ലിയാങ്, ലെജിസ്ലേറ്റീവ് യുവാൻ അംഗം (1996-2016)

അവലംബങ്ങൾ തിരുത്തുക

  1. Hsiao, Chu-an (8 January 2016). "Puli Township calls off trash collectors over row with high school". The China Post.
  2. 2.0 2.1 William Campbell (1915). "Sketches from Formosa". p. 41. Po-li-sia
  3. "地名解說集錦: 南投縣各鄉鎮地名之由來" [Toponymic collection: the origin of the names of towns in Nantou County] (in Chinese). Archived from the original on 1 September 2006. Retrieved 24 January 2007. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)CS1 maint: unrecognized language (link)
  4. "最新消息" (in Chinese). 桃米生態村. Archived from the original on 2011-08-05. Retrieved 2019-12-05. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)CS1 maint: unrecognized language (link)

പുറത്തേക്കുള്ള കണ്ണികൾ തിരുത്തുക

23°58′00″N 120°58′00″E / 23.9666666667°N 120.966666667°E / 23.9666666667; 120.966666667

"https://ml.wikipedia.org/w/index.php?title=പുലി,_നാന്റോ&oldid=4084597" എന്ന താളിൽനിന്ന് ശേഖരിച്ചത്