പീതാംബരൻ കെ.സി.
വടക്കൻ കേരളത്തിലെ ഒരു അനുഷ്ഠാന കലാരൂപമണ് തിറയാട്ടം.[1] ഈ കലാരംഗത്ത് പ്രശസ്തനായ കലാകാരനാണ് പീതാംബരൻ. (Eng: Peethambaran). [2] കഴിഞ്ഞ 40 വർഷമായി തിറയാട്ട കലാരംഗത്ത് സജീവമായി പ്രവർത്തിക്കുന്നു. കലാനാമം മൂർക്കനാട് പീതാംബരൻ.[3]
മൂർക്കനാട് പീതാംബരൻ | |
|---|---|
 | |
| ജനനം | ഡിസംബർ 18, 1962 പന്തീരാങ്കാവ്, കേരളം, ഇന്ത്യ |
| മറ്റ് പേരുകൾ | മൂർക്കനാട് പീതാംബരൻ |
| തൊഴിൽ | തിറയാട്ടം |
| സജീവ കാലം | 1975–present |
| വെബ്സൈറ്റ് | www |
ജീവിതരേഖ
തിരുത്തുകകൊഴികോട് ജില്ലയിലെ പന്തീരങ്കാവിൽ മൂർക്കാനട്ട് വേലായുധൻ വൈദ്യരുയരുടേയും ഉണ്യാതയുടേയും അഞ്ചുമക്കളിൽ രണ്ടാമത്തെ മകനായി 1962 ൽ ജനിച്ചു. പിതാവ് വേലായുധൻ വൈദ്യർ അറിയപ്പെടുന്ന തിറയാട്ടം കലാകാരനായിരുന്നു. ബാല്യകാലം മുതൽ തിറയാട്ടം അഭ്യസിച്ചുതുടങ്ങിയ പീതാംബരന്റെ ആദ്യഗുരു അചഛൻ വേലായുധൻ വൈദ്യർ ആകുന്നു. കൊടൽ നടക്കാവ് യൂ .പി സ്കൂൾ, പന്തീരങ്കാവ് ഹൈസ്കൂൾ എന്നിവിടങ്ങളിൽനിന്നും സ്കൂൾ പഠനം പൂർത്തിയാക്കിയ പീതാംബരൻ 1977 ൽ കോഴിക്കോട് ഗുരുവായൂരപ്പൻ കോളേജിൽ പ്രീഡിഗ്രിക്ക് ചേർന്നു. 1978 ൽ അചഛൻ മരണപ്പെട്ടു. അതോടെ കോളേജ് പഠനം ഉപേക്ഷിച്ച് തൊഴിലാളിയായി. അമ്മയും സഹോദരങ്ങളും അടങ്ങിയ കുടുംമ്പത്തിന്റെയും തിറയാട്ട സംഘത്തിന്റെയും ചുമതല ചെറുപ്രായത്തിൽ ഏറ്റെടുക്കേണ്ടിവന്നു. പിതാവിന്റെ ഗുരുവായിരുന്ന അപ്പുട്ടി ആശാന്റെ ശിക്ഷണത്തിൽ തിറയാട്ടത്തിൽ തുടർ പഠനം. ഭാര്യ ജോളി. ഏകമകൾ അനിഴ വൈദ്യശാസ്ത്ര വിദ്യാർഥിനിയാണ്.
തിറയാട്ടം
തിരുത്തുകതെക്കൻ മലബാറിലെ (കോഴിക്കോട്, മലപ്പുറം ജില്ലകൾ) കാവുകളിലും തറവാട്ട് സ്ഥാനങ്ങളിലും വർഷംതോറും നടത്തിവരുന്ന അനുഷ്ഠാന കലാരൂപമാണ്‌ തിറയാട്ടം.[4] ദേവപ്രീതിക്കായി കോലം കെട്ടിയാടുന്ന ചടുലവും വർണ്ണഭവും ഭക്തിനിർഭരവുമായ ഗോത്ര കലാരൂപമാണിത്. നൃത്തവും അഭിനയക്രമങ്ങളും വാദ്യഘോഷങ്ങളും ചമയങ്ങളും ഗീതങ്ങളും ഹാസ്യവിമർശനങ്ങളും അനുഷ്ഠാനങ്ങളും സമന്വയിക്കുന്ന തിറയാട്ടം ഇന്ത്യൻ പാരിസ്ഥിതിക നാട്യവേദിക്ക് ഉത്തമ ഉദാഹരണമാണ്‌.
കലാ സപര്യ
തിരുത്തുകചെണ്ട, തുടി, ഇലത്താളം, പഞ്ചായുധം(വാദ്യങ്ങൾ) എന്നിവ കൈകാര്യംചെയ്യുന്നു. തിറയാട്ടത്തിലെ വിവിധ കോലങ്ങൾ കെട്ടിയാടുന്നു. തിറയാട്ടകോലങ്ങൾക്ക് ആവശ്യമായ മുഖത്തെഴുത്ത്, മേലെഴുത്ത്, പോയ്‌മുഖനി൪മ്മാണം, മുടിനിർമ്മാണം, കുരുത്തോലപ്പണികൾ, പാളപ്പണികൾ എന്നിവ ചെയ്യുന്നു. തോറ്റം‌പാട്ടുകൾ, അഞ്ചടികൾ, പോലിച്ചുപാടൽ, മുതലായവ അനുഷ്ഠാനങ്ങൾക്ക് അനുസൃതമായി ചൊല്ലുന്നു. വില്ലികളെകെട്ടൽ, ഒടക്കുകഴിക്കൽ, കളമെഴുത്ത്, ഗുരുതിതര്പ്പ ണം തുടങ്ങി തിറയാട്ടത്തിലെ അവസാനചടങ്ങായ “കുടികൂട്ടൽ” വരയുള്ള അനുഷ്ഠാന ചടങ്ങുകൾ ചെയ്യുന്നു. തിറയാട്ടം എന്ന ഗോത്രകല അന്യംനിന്നു പോകാതിരിക്കുന്നതിനായി പുതുതലമുറയെ പഠിപ്പിക്കുന്നു. മൂർക്കനാട്ടു പീതാംബരൻ & പാർട്ടി എന്ന പേരിൽ ഒരു തിറയാട്ടസംഘം മുപ്പതു വര്ഷിമായി പ്രവ൪ത്തിക്കുകയും ആയതിനു നേതൃത്വം കൊടുക്കുകയും ചെയ്യുന്നു. കോഴിക്കോട്, മലപ്പുറം ജില്ലകളിലായി എല്ലാവർഷാവും അറുപതിലധികം കാവുകളിൽ ഈസമിതി തിറയാട്ടം നടത്തിവരുന്നു. അച്ഛൻ മൂർക്കനാട്ടു വേലായുധൻ വൈദ്യ൪ പൈതൃകമായി കേട്ടിയാടീരുന്ന “ചെട്ടിമൂ൪ത്തി” എന്ന കോലം(മാളിൽ കാവ്‌, രാമനട്ടുകര) കഴിഞ്ഞ 37 വര്ഷ൪ങ്ങളായി മുടങ്ങാതെ പീതാംബരൻ കെട്ടിയാടിവരുന്നു.ദേശീയ അന്തർദേശീയ വേദികളിൽ തിറയാട്ടം അവതരിപ്പിച്ചിട്ടുണ്ട്.
സാമൂഹ്യ പ്രവർത്തനം
തിരുത്തുകഇന്ത്യാ ഗവൺമെന്റിന്റെ കോർപ്പറേറ്റ് കാര്യ മന്ത്രാലയത്തിന് കീഴിൽ ഇന്ത്യയിലെ കമ്പനി നിയമം [5] അനുസരിച്ച് രജിസ്‌റ്ററേഷൻ ലഭിച്ച എത്നിക് ആർട്‌സ് കൗൺസിൽ ഓഫ് ഇന്ത്യയുടെ [6] സ്‌ഥാപകനും പ്രസിഡണ്ടുമാണ് പീതാംബരൻ കെസി എന്ന മൂർക്കനാട് പീതാംബരൻ. ഇന്ത്യയിലെ എല്ലാ വംശീയ, നാടോടി, മറ്റ് അദൃശ്യമായ പ്രകടന കലകളുടെയും കലാകാരൻമാരുടെയും ബന്ധപ്പെട്ട സമൂഹത്തിന്റെയും ഉന്നമനത്തിനായി പ്രവർത്തിക്കുന്ന ഒരു സ്വയംഭരണ ലാഭരഹിത സംഘടനയാണ് എത്നിക് ആർട്‌സ് കൗൺസിൽ ഓഫ് ഇന്ത്യ.
പ്രതിസന്ധി നേരിടുന്ന സമൂഹത്തിനായും വ്യക്‌തികൾക്കായും പ്രവർത്തിക്കുന്ന തിരുവനന്തപുരം ആസ്‌ഥാനമായ ഉഷസ് ചാരിറ്റി ട്രസ്‌റ്റ് ചെയർമാനായും ഇദ്ദേഹം പ്രവർത്തിക്കുന്നു. 2016 മുതൽ ഈ ചുമതല വഹിക്കുന്ന ഇദ്ദേഹത്തിന്റെ നേതൃത്വത്തിൽ വയനാട് ഉൾപ്പടെയുള്ള സ്‌ഥലങ്ങളിൽ നിരവധി സാമൂഹിക പ്രവർത്തനങ്ങൾ നടത്തിയിട്ടുണ്ട്.
ഇന്ത്യൻ ഫോക്‌ലർ റിസർച് ഓർഗനൈസേഷൻ 'നർത്തക രത്നം' [7] പുരസ്‌കാരം നൽകി ആദരിച്ചിട്ടുള്ള പീതാംബരൻ ഇന്റർനാഷണൽ എത്നിക് ഫോക്‌ലർ ഫെസ്‌റ്റിവലിൽ [8] കേരളത്തെ പ്രതിനിധീകരിച്ചു പങ്കെടുത്ത കലാകാരന്മാരിൽ ഒരാളാണ്.
പുസ്‌തകം
തിരുത്തുകമൂർക്കനാട് പീതാംബരൻറെ "തിറയാട്ടം" എന്ന പുസ്‌തകം കേരള ഭാഷാ ഇൻസ്റ്റിറ്റ്യൂട്ട് 2017 ൽ പ്രസിദ്ധീകരിച്ചു.
അവലംബങ്ങൾ
തിരുത്തുക- ↑ http://www.wikiwand.com/en/Thirayattam
- ↑ "ആർക്കൈവ് പകർപ്പ്". Archived from the original on 2019-04-11. Retrieved 2017-01-20.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "തിറയാട്ടം" , മൂർക്കനാട് പീതാംബരൻ, ഭാഷാ ഇൻസ്റ്റിറ്റ്യൂട്ട് -ISBN 978-81-200-4294-0
- ↑ നാട്ടാരങ്ങ്, വികാസവും പരിണാമവും , G ഭാർഗ്ഗവൻ പിള്ള, കേരള ഭാഷാ ഇൻസ്റ്റിറ്റ്യൂട്ട്
- ↑ കമ്പനി നിയമം
- ↑ എത്നിക് ആർട്‌സ് കൗൺസിൽ ഓഫ് ഇന്ത്യ
- ↑ 'നർത്തക രത്നം'
- ↑ "ഇന്റർനാഷണൽ എത്നിക് ഫോക്‌ലർ ഫെസ്‌റ്റിവലിൽ". Archived from the original on 2022-06-27. Retrieved 2022-04-24.
ചിത്രശാല
തിരുത്തുകപുറംകണ്ണികൾ
തിരുത്തുക