പി.എസ്. കരുണാകരൻ
കേരളീയനായ ചിത്രകാരനും ചിത്രകലാദ്ധ്യാപകനുമായിരുന്നു പി.എസ്. കരുണാകരൻ(8 ഏപ്രിൽ 2015). ഇന്ത്യയിലും വിദേശത്തുമായി നിരവധി ചിത്ര പ്രദർശനങ്ങൾ നടത്തിയിട്ടുണ്ട്.
പി.എസ്. കരുണാകരൻ | |
---|---|
പ്രമാണം:പി.എസ്. കരുണാകരൻ.png പി.എസ്. കരുണാകരൻ | |
ജനനം | 1937 |
മരണം | 2015 ഏപ്രിൽ 08 |
ദേശീയത | ഇന്ത്യൻ |
തൊഴിൽ | ചിത്രകാരനും ചിത്രകലാദ്ധ്യാപകനും |
ജീവിതപങ്കാളി(കൾ) | ഗൗരി |
കുട്ടികൾ | ശ്രീകല ശ്രീകാന്ത് |
ജീവിതരേഖ തിരുത്തുക
വടക്കുമ്പാട് കാളിയിൽ കുന്നുമ്മൽവീട്ടിൽ പരേതരായ എം ശങ്കരൻകുട്ടി വൈദ്യരുടെയും ചിറക്കരയിലെ കല്യാണിക്കുട്ടിഅമ്മയുടെയും മകനായി 1937 ഡിസംബറിൽ ജനിച്ചു. 1954ൽ സി.വി. ബാലൻനായരുടെ കീഴിൽ സ്കൂൾ ഓഫ് ആർട്സിൽ പഠനം ആരംഭിച്ച കരുണാകരൻ മദ്രാസ് കോളജ് ഓഫ് ഫൈനാർട്സിൽ ഗ്രാഫിക്സിലും ലിത്തോഗ്രഫിയിലും പരിശീലനം നേടി. പിന്നീട് കേരള സ്കൂൾ ഓഫ് ആർട്സിൽ ഇൻസ്ട്രക്ടറും പ്രിൻസിപ്പലുമായി. ജലച്ചായചിത്രരചനയിൽ വേറിട്ട ശൈലിക്കുടമയായ ഇദ്ദേഹം ദേശീയ അന്തർദേശീയ വാണിജ്യ എക്സിബിഷനുകളിലെ കവാടങ്ങളുടെ കലാസംവിധാനം നിർവഹിച്ചിട്ടുണ്ട്. ലളിതകലാ അക്കാദമിയുടെ ഫെല്ലോഷിപ്പ് അടക്കം നിരവധി പുരസ്കാരങ്ങൾ ലഭിച്ചിട്ടുണ്ട്.[1]
പുരസ്കാരങ്ങൾ തിരുത്തുക
- ലളിതകലാ അക്കാദമിയുടെ ഫെല്ലോഷിപ്പ്
- ലളിതകലാ അക്കാദമി പുരസ്കാരം
അവലംബം തിരുത്തുക
- ↑ "പ്രമുഖ ചിത്രകാരൻ പി.എസ് കരുണാകരൻ അന്തരിച്ചു". www.mathrubhumi.com. മൂലതാളിൽ നിന്നും 2015-04-08-ന് ആർക്കൈവ് ചെയ്തത്. ശേഖരിച്ചത് 8 ഏപ്രിൽ 2015.