പല്ലവി ശേഷയ്യർ

ത്യാഗരാജന്റെ പാരമ്പര്യങ്ങൾ പിന്തുടർന്ന കർണാടകസംഗീതജ്ഞനായിരുന്നു പല്ലവി ശേഷയ്യർ (1842–1909). മൈസൂർ രാജാവിന്റെ കൊട്ടാരത്തിലെ ഗായകനായിരുന്ന ശേഷയ്യർ, കർണാടകസംഗീതത്തിലെ സവിശേഷമായ രാഗം-താനം-പല്ലവിയുടെ സാങ്കേതിക വിദ്യകളിൽ വിദഗ്ധനായിരുന്നു. ഈ വൈദഗ്ദ്ധ്യം അദ്ദേഹത്തിന് പല്ലവി ശേഷയ്യർ എന്ന വിശേഷണം നൽകി.

തമിഴ്‌നാട്ടിലെ സേലത്തിനടുത്തുള്ള നെയ്ക്കരപ്പട്ടി എന്ന ഗ്രാമത്തിലാണ് ശേഷയ്യർ ജനിച്ചത്. അദ്ദേഹത്തിന്റെ പിതാവ് ത്യാഗരാജന്റെ ശിഷ്യനായിരുന്നു. ത്യാഗരാജൻ രചിച്ച പല ഗാനങ്ങളും പിതാവിൽ നിന്ന് ശേഷയ്യർ പഠിച്ചു.

പ്രധാനമായും സംസ്കൃതത്തിലും തെലുങ്കിലുമാണ് ശേഷയ്യർ കൃതികൾ രചിച്ചിട്ടുള്ളത്.