പങ്കജ് ഉദാസ്

ഭാരതത്തിലെ ഗസൽ ഗായകനായ പങ്കജ് ഉദാസ് (ജീവിതകാലം: 17 മെയ് 1951 – 26 ഫെബ്രുവരി 2024) ഉറുദു കവിതകളുടെ വരികൾ തന്റെ വേറിട്ട ശൈലിയിലൂടെ ആലപിച്ചു. "നാം"(1986) എന്ന ചിത്രത്തിലെ "ചിട്ടി ആയി ഹേ വതൻ" എന്ന ഹിറ്റ് ഗാനത്തിലൂടെയാണ്‌ പങ്കജ് ഉദാസ് ചലച്ചിത്ര രംഗത്ത് ശ്രദ്ധേയനായത്. ശരാശരി നിലവാരം മാത്രമുണ്ടായിരുന്ന ഈ ചിത്രത്തിന്റെ വൻ വിജയത്തിന്‌ അദ്ദേഹത്തിന്റെ ഗാനം ഒരു നിമിത്തമാവുകയായിരുന്നു. ഇതിന്‌ ശേഷം നിരവധി ആൽബങ്ങൾ അദ്ദേഹത്തിന്റേതായി ഇറങ്ങി. എന്നുമീ സ്വരം എന്ന മലയാള ആൽബത്തിൽ അനൂപ് ജലോട്ടക്കൊപ്പം പാടിയിട്ടുണ്ട്. നിരവധി സംഗീത പര്യടന പരിപാടികൾ അവതരിപ്പിക്കുകയും ധാരാളം ചിത്രങ്ങളിൽ പാടുകയും ചെയ്തു. ഗസൽ ആലാപനത്തിന്റെ രജതജൂബിലി പൂർത്തിയാക്കിയ അദ്ദേഹത്തിന്‌ 2006 ൽ ഭാരത സർക്കാർ പത്മശ്രീ പുരസ്കാരം നൽകി ആദരിച്ചു.

Pankaj Udhas
Udhas in 2015
പശ്ചാത്തല വിവരങ്ങൾ
ജനനം	(1951-05-17)17 മേയ് 1951 Jetpur, United States of Saurashtra (now in Gujarat), India
മരണം	26 ഫെബ്രുവരി 2024(2024-02-26) (പ്രായം 72) Mumbai, Maharashtra, India
Musical career
വിഭാഗങ്ങൾ	Ghazals
തൊഴിൽ(കൾ)	Ghazal Singer
ഉപകരണ(ങ്ങൾ)	Vocals, Harmonium, Guitar, Piano, Violin, Tabla
വർഷങ്ങളായി സജീവം	1980–2024
ലേബലുകൾ	EMI, T-Series

ജീവിതരേഖ

ഗുജറാത്തിലെ രാജ്കോട്ടിനടുത്തുള്ള ജേത്പൂരിൽ ഒരു ജമീന്ദാർ കുടുംബത്തിലാണ്‌ പങ്കജ് ഉദാസ് ജനിച്ചത്. അച്ഛൻ:കേശുഭായ് ഉദാസ്. അമ്മ:ജിതുബേൻ ഉദാസ്. മൂന്ന് മക്കളിൽ ഏറ്റവും ഇളയവനാണ്‌ പങ്കജ്. ഇദ്ദേഹത്തിന്റെ മൂത്ത സഹോദരൻ മൻ‌ഹർ ഉദാസ് ഹിന്ദി ചലച്ചിത്ര ഗായകൻ എന്ന നിലയിൽ ചെറിയ വിജയങ്ങളൊക്കെ നേടിയിട്ടുണ്ട്. ബോംബെയിലെ സെന്റ് സേവിയേഴ്സ് കോളേജിൽ പഠനം നടത്തി.

മരണം

2024 ഫെബ്രുവരി 26-ന് മുംബൈയിലെ ബ്രീച്ച് കാൻഡി ഹോസ്പിറ്റലിൽ വെച്ച് ദീർഘകാലം നീണ്ടുനിന്ന അസുഖം (കാൻസർ പോലുള്ള ഭേദമാക്കാനാവാത്ത രോഗം) കാരണം 72 വയസ്സുള്ള പങ്കജ് ഉദാസ് അന്തരിച്ചു. ഇന്ത്യയുടെ പ്രധാനമന്ത്രി നരേന്ദ്ര മോദി. അദ്ദേഹത്തിൻറെ മരണത്തിൽ അനുശോചനം രേഖപ്പെടുത്തി. ശവസംസ്‌കാരം 2024 ഫെബ്രുവരി 27-ന് വോർലി മുംബൈയിലെ ഹിന്ദു ശ്മശാനത്തിൽ നടന്നു.