അഫ്ഗാനിസ്താനിലെ ആദ്യത്തെ ഇസ്ലാമികനിർമ്മിതികളിലൊന്നാണ് ബൽഖിൽ നിന്നും കണ്ടെടുത്തിട്ടുള്ള നോ ഗോൺബാദ് എന്നറിയപ്പെടുന്ന ഹാജി പിയാദ മോസ്ക്. ഒമ്പതാം നൂറ്റാണ്ടിന്റെ അവസാനം, സിസ്താൻ ആസ്ഥാനമാക്കി സഫാരികൾ അഫ്ഗാനിസ്താൻ പൂർണമായും അടക്കിഭരിക്കുന്ന സമയത്താണ് ഇതിന്റെ നിർമ്മിതി നടക്കുന്നത്. 9 താഴികക്കുടങ്ങളുള്ള ഈ പള്ളിക്ക് ഇക്കാരണത്താലാണ് 9 മകുടങ്ങൾ എന്ന അർത്ഥത്തിൽ നോ ഗോൺബാദ് എന്ന പേര് വന്നത്.[1]

ചുടുകട്ടകൊണ്ടുണ്ടാക്കിയ 9 താഴികക്കുടങ്ങളും കാലപ്പഴക്കം മൂലം നശിച്ചു. മകുടങ്ങളെ താങ്ങിനിർത്തിയിരുന്ന കമാനങ്ങളിൽ ഒന്നുമാത്രം ഇന്നും നിലനിൽക്കുന്നുണ്ട്.[2] ഇതിന്റെ നിർമ്മാണരീതി, മാർവ് മരുപ്പച്ചയിൽ അമു ദര്യയുടെ തീരത്തുള്ള തെർമസിൽ നിന്നും, ബുഖാറക്കടുത്തുള്ള കണ്ടെടുത്ത കെട്ടിങ്ങളോട് സാദൃശ്യം പുലർത്തുന്നതാണ്. സ്റ്റക്കോ കൊണ്ടുള്ള ബാഹ്യാലങ്കാരമാണ് ഈ പള്ളിയിലുള്ളത്[1].

1960-ലാണ് ഈ പുരാവസ്തുകേന്ദ്രം കണ്ടെത്തുന്നത്.[2] ഇതിനെ സംരക്ഷിക്കുന്നതിനുള്ള പ്രവർത്തനങ്ങൾ ഇന്ന് നടക്കുന്നുണ്ട്[3].

അവലംബംതിരുത്തുക

  1. 1.0 1.1 Vogelsang, Willem (2002). "12 - The Iranian Dynasties". The Afghans. LONDON: Willey-Blackwell, John Willey & SOns, Ltd, UK. p. 191. ISBN 978-1-4051-8243-0.
  2. 2.0 2.1 "HAJI PIYADA MOSQUE (NOH GUMBAD) Conserving one of Central Asia's earliest mosques". World Monuments Fund. ശേഖരിച്ചത് 24 ഡിസംബർ 2010.
  3. "Workers restore the 9th century mosque of Noh-Gonbad or Nine Cupolas, the oldest in the country". SFGate. Sunday, August 10, 2008. ശേഖരിച്ചത് 2009 നവംബർ 08. Check date values in: |date= (help)

പുറത്തേക്കുള്ള കണ്ണികൾതിരുത്തുക

"https://ml.wikipedia.org/w/index.php?title=നോ_ഗോൺബാദ്&oldid=1689068" എന്ന താളിൽനിന്ന് ശേഖരിച്ചത്