നീലമ്പേരൂർ മധുസൂദനൻ നായർ
പ്രമുഖ മലയാള കവിയും സാഹിത്യകാരനുമായിരുന്നു നീലമ്പേരൂർ മധുസൂദനൻ നായർ (ജനനം: 25 മാർച്ച് 1936; മരണം: 2 ജനുവരി 2021). കവിതക്കുള്ള കേരള സാഹിത്യ അക്കാദമി പുരസ്‌കാരം 2000 ൽ നേടി. പതിനഞ്ചോളം കവിതാസമാഹാരങ്ങളുൾപ്പെടെ മുപ്പതോളം കൃതികളുടെ കർത്താവാണ്.
ജീവിതരേഖ
തിരുത്തുക1936 മാർച്ച് 25-ന് കുട്ടനാട്ടിൽ നീലമ്പേരൂർ വില്ലേജിൽ മാധവൻപിള്ളയുടെയും പാർവതിയമ്മയുടെയും മകനായി ജനിച്ചു. ഗണിതശാസ്ത്രത്തിൽ ബിരുദവും സ്ഥിതിവിവരഗണിതത്തിൽ മാസ്റ്റർ ബിരുദവും നേടി. നേടി വ്യവസായ വകുപ്പിൽ റിസർച്ച് ഓഫീസറായി. കേരള സാഹിത്യ അക്കാദമിയുടെ ജനറൽ കൗൺസിൽ അംഗമായിരുന്നു. ചമത എന്ന കാവ്യ സമാഹാരത്തിന് 2000 ലെ കേരള സാഹിത്യ അക്കാദമി പുരസ്‌കാരം ലഭിച്ചു.[1] എംഗൽസിന്റെ കവിതകൾ മലയാളത്തിലേക്ക് പരിഭാഷപ്പെടുത്തി. സ്നേഹപൂർവ്വം മീര എന്ന സിനിമക്കായി ഗാനങ്ങളും രചിച്ചു. സെക്രട്ടറിയേറ്റ് വ്യവസായ വാണിജ്യവകുപ്പിൽ ജോയിന്റ് ഡയറക്ടറായി വിരമിച്ചു[2] 2021 ജനുവരി 2-ന് 85-ആം വയസ്സിൽ തിരുവനന്തപുരത്തെ കിംസ് ആശുപത്രിയിൽ വച്ച് അന്തരിച്ചു.
കൃതികൾ
തിരുത്തുക- ചമത
- ഇതിലേ വരിക
- ഈറ്റിലം
- ചിത
- ഉറങ്ങുംമുൻപ്
- അമരൻ
- ഫലിത ചിന്തകൾ
പുരസ്കാരങ്ങൾ
തിരുത്തുക- കേരള സാഹിത്യ അക്കാദമി പുരസ്‌കാരം (2000)
- കണ്ണശ്ശപുരസ്ക്കാരം 2012
- സംസ്ഥാന ബാലസാഹിത്യ പുരസ്ക്കാരം
- അബുദാബി ശക്തി അവാർഡ്
- 'കനകശ്രീ' (1989)
അവലംബം
തിരുത്തുക- ↑ എഡിറ്റർ : ഡോ. പി.വി.കൃഷ്ണൻനായർ (2004). സാഹിത്യകാര ഡയറക്‌ടറി. കേരള സാഹിത്യ അക്കാദമി. p. 324. ISBN 81-7690-042-7.
- ↑ http://www.keralabhooshanam.com/?p=179916[പ്രവർത്തിക്കാത്ത കണ്ണി]