നിലമ്പൂർ റോഡ് - തിരുവനന്തപുരം രാജ്യറാണി എക്സ്പ്രസ്സ്
നിലമ്പൂർ - തിരുവനന്തപുരം പ്രതിദിന തീവണ്ടിയാണ് രാജ്യറാണി എക്സ്പ്രസ്. 2011 നവംബർ 16 മുതൽ ഓടിത്തുടങ്ങയ രാജ്യറാണി ലിങ്ക് എക്സ്പ്രസ്സ് ഷൊറണൂരിലെത്തിയ ശേഷം അമൃത എക്സ്പ്രസ്സുമായി ചേർത്തു പോവുന്നു.
| രാജ്യറാണി എക്സ്പ്രസ്സ് | |
|---|---|
| In service | നിലമ്പൂർ - തിരുവനന്തപുരം |
| Manufacturer | ദക്ഷിണ റെയിൽവേ |
| Number in service | 1 |
| Operator | ഇന്ത്യൻ റെയിൽവേ |
സമയക്രമം തിരുത്തുക
നിലമ്പൂരിൽനിന്ന് ഏഴ് കോച്ചുവീതമുള്ള രണ്ട് വണ്ടികൾ രാജ്യറാണി എന്നപേരിൽ സർവീസ് ആരംഭിച്ച് ഷൊറണൂരിലെത്തിയശേഷം അമൃത എക്സ്പ്രസ്സുമായി ചേർത്ത് ഓടിക്കുന്നതോടെ അമൃതയിൽ 23 കോച്ചുകളാവും. നിലമ്പൂരിൽനിന്ന് ദിവസവും 20.40 ന് ആരംഭിക്കുന്ന 16350 നമ്പർ വണ്ടി വാണിയമ്പലം- 20.51, മേലാറ്റൂർ-21.06, പട്ടിക്കാട്-21.15, അങ്ങാടിപ്പുറം 21.13, ചെറുകര-21.31, ഷൊറണൂർ-22.30 എന്നീ സമയത്താണ് ഓടുക. തിരിച്ചുള്ള വണ്ടി നമ്പർ 16349 രാവിലെ 6ന് ഷൊറണൂരിൽനിന്ന് പുറപ്പെട്ട് ചെറുകര-6.20, അങ്ങാടിപ്പുറം 6.30, പട്ടിക്കാട് 6.38, മേലാറ്റൂർ 6.46, വാണിയമ്പലം 7.00, നിലമ്പൂർ റോഡ് 7.25 എന്നിങ്ങനെയാണ് സമയം. തിരുവനന്തപുരത്തേക്ക് അമൃത എക്സ്പ്രസ് ഓടുന്ന സമയത്തുതന്നെ സർവീസ് തുടരും. നിലമ്പൂർ- ഷൊറണൂർ വണ്ടി ഷൊറണൂരിലെത്തിയശേഷം ഒരു മണിക്കൂർ കഴിഞ്ഞായിരിക്കും തിരുവനന്തപുരത്തേക്ക് പുറപ്പെടുക.
സൗകര്യങ്ങൾ തിരുത്തുക
മൈസൂരിൽനിന്നുള്ളവർക്കും ഇനി നിലമ്പൂർവഴി തിരുവനന്തപുരത്തേക്ക് എളുപ്പത്തിൽ യാത്ര ചെയ്യാം. പുതിയവണ്ടിയിൽ ഒരു എ.സി. കോച്ച്, രണ്ട് സ്ലീപ്പർ, രണ്ട് ജനറൽ, രണ്ട് ഗാർഡുവാൻ എന്നിങ്ങനെ ഏഴ് കോച്ചാണ് ഉണ്ടാവുക. മലപ്പുറം-പാലക്കാട് അതിർത്തി ജില്ലക്കാർക്ക് ഏറെ ആശ്വാസമാവുന്ന പുതിയ ട്രെയിൻ കഴിഞ്ഞ ബജറ്റിൽ പ്രഖ്യാപിക്കപ്പെട്ടതായിരുന്നു.