നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ്

ബിരുദ, ബിരുദാനന്തര നിയമ വിദ്യാഭ്യാസത്തിനായുള്ള കേരളത്തിലെ ആദ്യ നിയമ സർവകലാശാലയാണ് നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ് (ന്യൂവാൽസ്). കൊ​ച്ചി​യി​ലാ​ണ്​ ന്യൂവാൽസിന്റെ ആസ്ഥാനം. തുടക്കത്തിൽ അറിയപ്പെട്ടിരുന്നത് നാഷണൽ ഇൻസ്റ്റിറ്റ്യൂട്ട് ഫോർ അഡ്വാൻസ്ഡ് ലീഗൽ സ്റ്റഡീസ് എന്നായിരുന്നു.

നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ്

തരം	National Law University
സ്ഥാപിതം	2005
ചാൻസലർ	Chief Justice of High Court of Kerala
വൈസ്-ചാൻസലർ	Prof.Dr.K.C.Sunny
സ്ഥലം	Kochi, Kerala, India
ക്യാമ്പസ്	Urban
വെബ്‌സൈറ്റ്	www.nuals.ac.in

നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ് ആക്റ്റ് 2005 പ്രകാരം ന്യൂവാൽസ് സ്ഥാപിക്കപ്പെട്ടു. അന്നത്തെ സുപ്രീം കോടതി ചീഫ് ജസ്റ്റിസ്, ഡോ. കെ. ജി. ബാലകൃഷ്ണൻ 2006 ജനുവരി 7 ന് ഇത് രാജ്യത്തിനായി സമർപ്പിച്ചു. കേരള ഹൈക്കോടതി ചീഫ് ജസ്റ്റിസാണ് ന്യൂവാൽസിന്റെ ചാൻസലർ. സംസ്ഥാന വിദ്യാഭ്യാസ മന്ത്രി പ്രോ-ചാൻസലറുമാണ്.

ലക്ഷ്യം

നിയമത്തെയും നിയമപരമായ പ്രക്രിയകളെയും കുറിച്ചുള്ള പഠനവും അറിവും വികസിപ്പിക്കുകയും പ്രചരിപ്പിക്കുകയും ചെയ്യുക, സമൂഹത്തോടുള്ള ഉത്തരവാദിത്തബോധം വ്യക്തികളിൽ വളർത്തിയെടുക്കുക, ഇന്ത്യയിലെ നീതിന്യായ വ്യവസ്ഥ ശക്തിപ്പെടുത്തുന്നതിന് നിയമപരവും നീതിന്യായപരവുമായ പരിഷ്കാരങ്ങൾ പ്രോത്സാഹിപ്പിക്കുക എന്നിവയാണ് ന്യൂവാൽസിന്റെ അടിസ്ഥാന ലക്ഷ്യങ്ങൾ.

ആസ്ഥാനം

കൊച്ചിയിലെ കലൂരിൽ ആണ് തുടക്കത്തിൽ സർവകലാശാല പ്രവർത്തിച്ചിരുന്നത്. കളമശേരിയിലെ കിൻ‌ഫ്ര ഹൈടെക് പാർക്കിലെ സ്ഥിരം കാമ്പസിലാണ് ഇപ്പോൾ പ്രവർത്തിക്കുന്നത്. കൊച്ചി അന്താരാഷ്ട്ര വിമാനത്താവളത്തിനടുത്തുള്ള കിൻ‌ഫ്രയിൽ നിന്ന് 90 വർഷത്തേക്ക് പാട്ടത്തിനെടുത്ത 10 ഏക്കർ (40,000 മീ 2) സ്ഥലത്താണ് കാമ്പസ് പ്രവർത്തിക്കുന്നത്.

പ്രവേശനം

എല്ലാ ദേ​ശീ​യ നി​യ​മ സ​ർ​വ​ക​ലാ​ശാ​ല​ക​ളി​ലെയും പോലെതന്നെ നി​യ​മ ബി​രു​ദ, ബി​രു​ദാ​ന​ന്ത​ര ബി​രു​ദ കോ​ഴ്​​സു​ക​ളി​ലേ​ക്കു​ള്ള കോ​മ​ൺ ലോ ​അ​ഡ്​​മി​ഷ​ൻ ടെ​സ്​​റ്റ്​ (ക്ലാ​റ്റ്​) വഴിയാണ് ഇവിടെയും പ്രവേശനം ലഭിക്കുന്നത്.

പൂർവകാല വിദ്യാർത്ഥികൾ

• മുത്തുമണി
• അപൂർവ ബോസ് (ചലച്ചിത്ര താരം)

ഇതും കാണുക

• കേരളത്തിലെ സർവകലാശാലകൾ