നഞ്ചൻഗുഡ്

കർണ്ണാടകയിലെ മൈസൂർ ജില്ലയിലുൾപ്പെട്ട ഒരു പട്ടണമാണ് നഞ്ചൻഗുഡ് (ഇംഗ്ലീഷ്: Nanjangud, കന്നഡ: ನಂಜನಗೂಡು) അഥവാ നഞ്ചൻകോട്. നഞ്ചൻഗുഡിലെ ശ്രീകണ്ഠേശ്വര ക്ഷേത്രം വളരെ പ്രസിദ്ധമാണ്. അതിനാൽ നഞ്ചൻഗുഡിനെ ദക്ഷിണ കാശി എന്നും വിശേഷിപ്പിക്കാറുണ്ട്. ഇന്ത്യയിലെ ഭൂപ്രദേശസൂചികകളിലൊന്നായ നഞ്ചൻഗുഡ് വാഴപ്പഴവും ഈ പ്രദേശത്തെ പ്രശസ്തമാക്കുന്നു.

നഞ്ചൻഗുഡ് ನಂಜನಗೂಡು
പട്ടണം
നഞ്ചൻഗുഡിലെ ശ്രീകണ്ഠേശ്വര ക്ഷേത്രം
Country	ഇന്ത്യ
State	കർണാടക
District	മൈസൂർ ജില്ല
ഉയരം	656 മീ(2,152 അടി)
ജനസംഖ്യ  (2011)
• ആകെ	50,598
സമയമേഖല	UTC+5:30 (IST)
PIN	571 301
Telephone code	08221
വാഹന റെജിസ്ട്രേഷൻ	KA-09
വെബ്സൈറ്റ്	www.nanjanagudutown.gov.in

പേരിന് പിന്നിൽ

ഇവിടെ സ്ഥിതിചെയ്യുന്ന ശ്രീകണ്ഠേശ്വര ക്ഷേത്രത്തിലെ ആരാധനാമൂർത്തിയായ ശിവൻ, ശ്രീകണ്ഠേശ്വരൻ അഥവാ ശ്രീനഞ്ചുണ്ഠേശ്വരൻ എന്നു കൂടി അറിയപ്പെടുന്നു. നഞ്ചുണ്ഠേശ്വരന്റെ വാസസ്ഥലം എന്നർത്ഥതിലാണ് ഈ പ്രദേശം നഞ്ചൻഗുഡ് എന്നറിയപ്പെട്ടു തുടങ്ങിയത്.

എത്തിച്ചേരാൻ

ബാംഗ്ലൂരിൽ നിന്ന് മൈസൂറിലേക്കുള്ള സംസ്ഥാന പാത 17-ലൂടെ യാത്ര ചെയ്ത് ഇവിടെയെത്താനാകും. ഏകദേശം 163 കിലോമീറ്ററാണ് ബാംഗ്ലൂരിൽ നിന്ന് നഞ്ചൻഗുഡിലേക്കുള്ള ദൂരം. മൈസൂരിൽ നിന്ന് നഞ്ചൻഗുഡിലേക്കുള്ള ദൂരം 29 കിലോമീറ്ററാണ്.