ദ റോസ്-ട്രീ

ജോസഫ് ജേക്കബ്സ് ശേഖരിച്ച ഇംഗ്ലീഷ് ഫെയറി ടെയിൽസിൽ നിന്നുള്ള ഒരു ഇംഗ്ലീഷ് യക്ഷിക്കഥയാണ് ദ റോസ്-ട്രീ.

അലൻ ഗാർണറുടെ എ ബുക്ക് ഓഫ് ബ്രിട്ടീഷ് ഫെയറിടെയിൽസിൽ ഈ കഥ ഉൾപ്പെടുത്തിയിട്ടുണ്ട്.

my mother slew me; my father ate me എന്ന ഈ കഥ ആർനെ-തോംസൺ ടൈപ്പ് 720 ൽ കാണപ്പെടുന്ന ഒരു കഥയാണ്. ഇത്തരത്തിലുള്ള മറ്റൊരു കഥ "ദി ജുനൈപ്പർ ട്രീ" ആണ്. അതിൽ മരിച്ച കുട്ടി ഒരു ആൺകുട്ടിയാണ്. ഈ കഥയുടെ അസാധാരണമായ ഒരു വകഭേദമാണ് റോസ് ട്രീ . അതിൽ പ്രധാന കഥാപാത്രം ഒരു പെൺകുട്ടിയാണ്

സംഗ്രഹം

വളരെക്കാലം മുമ്പ് രണ്ട് കുട്ടികളുള്ള ഒരാൾ ഉണ്ടായിരുന്നു. ആദ്യ ഭാര്യയിൽ ഒരു മകളും രണ്ടാമത്തേതിൽ ഒരു മകനും. അവന്റെ മകൾ വളരെ സുന്ദരിയായിരുന്നു. അവളുടെ സഹോദരൻ അവളെ സ്നേഹിക്കുന്നുണ്ടെങ്കിലും, അവന്റെ അമ്മ അവളെ വെറുത്തു.

രണ്ടാനമ്മ മകളെ മെഴുകുതിരി വാങ്ങാൻ കടയിലേക്ക് അയച്ചു. എന്നാൽ മൂന്ന് തവണ, പെൺകുട്ടി ഒരു കോവണി കയറാൻ വേണ്ടി താഴെയിട്ട മെഴുകുതിരികൾ ഒരു നായ മോഷ്ടിച്ചു. മകൾ തിരിച്ചെത്തിയപ്പോൾ രണ്ടാനമ്മ മുടി ചീകാൻ വരാൻ പറഞ്ഞു. മുഴങ്കാൽ കൊണ്ടോ ചീപ്പ് കൊണ്ടോ ചീകാൻ കഴിയില്ലെന്ന് പറഞ്ഞ രണ്ടാനമ്മ പെൺകുട്ടിയെ ഒരു മരക്കഷണവും മഴുവും വാങ്ങാനയച്ചു. തിരിച്ചെത്തിയപ്പോൾ രണ്ടാനമ്മ അവളുടെ തല വെട്ടിമാറ്റി.

രണ്ടാനമ്മ അവളുടെ ഹൃദയവും കരളും പായസമാക്കി അവളുടെ ഭർത്താവിന് കൊടുത്തു. അത് രുചിച്ച ഭർത്താവിന് ആ രുചി അസാധാരണമായി തോന്നി. എന്നാൽ സഹോദരൻ ഭക്ഷണം കഴിക്കാതെ സഹോദരിയെ റോസാച്ചെടിയുടെ ചുവട്ടിൽ അടക്കം ചെയ്തു. എല്ലാ ദിവസവും അവൻ അതിനരികിൽ കരഞ്ഞു.