ദൈവത്തിന്റെ കണ്ണ്
സാഹിത്യകാരനായ എൻ.പി. മുഹമ്മദ് രചിച്ച നോവലാണ് ദൈവത്തിന്റെ കണ്ണ്.[1] 1993ൽ നോവലിനുള്ള കേന്ദ്ര സാഹിത്യ അക്കാദമി പുരസ്കാരം ഈ കൃതിയ്ക്ക് ലഭിച്ചു. [2]
 ദൈവത്തിന്റെ കണ്ണ് | |
| കർത്താവ് | എൻ.പി. മുഹമ്മദ് |
|---|---|
| ഭാഷ | മലയാളം |
| സാഹിത്യവിഭാഗം | നോവൽ |
| പ്രസാധകർ | ഡി.സി. ബുക്സ് |
| ഏടുകൾ | 144 |
| പുരസ്കാരങ്ങൾ | കേന്ദ്ര സാഹിത്യ അക്കാദമി പുരസ്കാരം |
| ISBN | 9788171308071 |
1990 ൽ ആണ്" ദൈവത്തിന്റെ കണ്ണ് " എന്ന നോവൽ പ്രസിദ്ധീകരിച്ചത്. എൻ. പി. മുഹമ്മദിന്റെ പല രചനകളും പ്രകൃതിയുമായി ബന്ധപ്പെട്ടവയാണ്. യാഥാസ്ഥിതിക മുസ്ലിം കുടുംബത്തിലെ ഒരു കുട്ടിയും അവനു ചുറ്റുമുള്ള ലോകവുമാണ് ഈ നോവലിന്റെ പശ്ചാത്തല ഭൂമിക.
ആചാരങ്ങൾക്കും അന്ധവിശ്വാസങ്ങൾക്കും ഇടയിൽപ്പെട്ട് വിങ്ങിപൊട്ടുന്ന "അഹമ്മദ് " എന്ന കുട്ടിയെ കേന്ദ്ര കഥാപാത്രമാക്കിയാണ് നോവൽ രചിച്ചിട്ടുള്ളത്. അഹമ്മദിന് പ്രകൃതിയുമായുള്ള ബന്ധം ഈ നോവലിൽ ശ്രദ്ധേയമാണ്. പ്രകൃതിക്കു നേരെയുള്ള ഓരോ അമ്പും അവന്റെ നെഞ്ചിൽ പതിക്കുന്ന പോലെയാണ് അവനു തോന്നുന്നത്. നോവലിൽ " ഉമ്മു " കൈക്കോട്ടുമായി വന്ന് കിളയ്ക്കുമ്പോൾ അതിന്റെ മൂർച്ചയേറിയ ഭാഗം മണ്ണിനെ സ്പർശിക്കുമ്പോൾ മണ്ണ് പൊളിഞ്ഞു വീഴുന്നത് അവനു അവന്റെ നെഞ്ചിൽ ആരോ ഇടിക്കുന്ന തോന്നൽ ഉണ്ടാക്കുന്നത് അതിനാലാണ്
അവലംബം
തിരുത്തുക- ↑ http://www.goodreads.com/book/show/18398378-daivathinte-kannu
- ↑ "ആർക്കൈവ് പകർപ്പ്". Archived from the original on 2019-11-15. Retrieved 2017-04-04.