ദവാർ ബക്ഷ്
1627-1628 വരെയുള്ള ഒരു വർഷത്തെ ചെറിയ കാലയളവിൽ മുഗൾ സാമ്രാജ്യത്തിന്റെ ഭരണാധികാരിയായിരുന്നു ദവാർ ബക്ഷ് ( പേർഷ്യൻ: داور بخش). "ദൈവം നൽകിയവൻ" എന്നാണ് പേര് അർത്ഥമാക്കുന്നത്. തന്റെ മുത്തച്ഛൻ ജഹാംഗീറിന്റെ മരണശേഷമാണ് ദവാർ ബക്ഷ് മുഗൾ ഭരണം കൈയ്യാളിയത്.
| ദവാർ ബക്ഷ് |
|---|
1622 ൽ ഷാജഹാനാൽ വധിക്കപ്പെട്ട ജഹാംഗീറിന്റെ മൂത്തമകൻ ഖുസുരു രാജകുമാരന്റെ മകനായിരുന്നു ദാവർ. [1]
"ബുലാക്കി" (മൂക്കുത്തി എന്നർഥം) എന്ന് വിളിപ്പേരുള്ള ദാവറിനെ[2] തുടക്കത്തിൽ ദഖിന്റെ ദിവാൻ ആയും പിന്നീട് ഗുജറാത്ത് ഗവർണറായും 1622 ൽ ജഹാംഗീർ നിയോഗിച്ചു. [3] [4] [5] ഈ സമയത്ത് പതിനഞ്ച് വയസ്സ് മാത്രം പ്രായമുള്ളതിനാൽ രാജകുമാരനെ തന്റെ മുത്തച്ഛനായ മിർസ അസീസ് കോകയുടെ സംരക്ഷണയിൽ ഏർപ്പെടുത്തി. [6]
ജഹാംഗീറിന്റെ മരണശേഷം, മുഗൾ സിംഹാസനം പിടിച്ചെടുക്കാനുള്ള രാഷ്ട്രീയ കളിയിൽ ദവാർ ഒരു കരു ആയി. ഷഹരിയാർ മുഗൾ ചക്രവർത്തിയാകണമെന്ന് ആഗ്രഹിച്ച നൂർജഹാൻ രാജ്ഞിയുടെ നീക്കങ്ങളെ പ്രതിരോധിക്കാനുള്ള ഒരു താത്ക്കാലിക ക്രമീകരണമായാണ് അസഫ് ഖാൻ അദ്ദേഹത്തെ മുഗൾ ചക്രവർത്തിയായി പ്രഖ്യാപിച്ചത്.
ദാവറിന്റെ മരണം
തിരുത്തുകജഹാംഗീറിന്റെ മരണശേഷം, ഷാജഹാന്റെ പ്രവേശനം ഉറപ്പാക്കാനായി, നൂർ ജെഹാന്റെ സഹോദരൻ ആസാഫ് ഖാൻ, ദാവർ ബക്ഷിനെ തടവിൽ നിന്ന് പുറത്താക്കി, രാജാവായി പ്രഖ്യാപിച്ച് ലാഹോറിലേക്ക് അയച്ചു.
എന്നാൽ നഹർ ജഹാൻ ജഹാംഗീറിന്റെ ഇളയ മകൻ ഷഹരിയാർ ചക്രവർത്തിയാകുന്നതിനാണ് അനുകൂലിച്ചത്.
ലാഹോറിനടുത്ത് രണ്ട് സേനയും ഏറ്റുമുട്ടി. യുദ്ധത്തിൽ പരാജയപ്പെട്ട ഷഹ്‌യാർ കോട്ടയിലേക്ക് ഓടിപ്പോയി, പിറ്റേന്ന് രാവിലെ ദാവർ ബക്ഷിനു മുന്നിൽ അദ്ദേഹത്തെ തടവിലാക്കി.
1627 ഡിസംബർ 30 ന് [7] ഷാജഹാനെ ലാഹോറിൽ വച്ച് ചക്രവർത്തിയായി പ്രഖ്യാപിച്ചു. 1628 ജനുവരി 16 ന് അദ്ദേഹത്തിന്റെ ഉത്തരവനുസരിച്ച്, ദാവർ, സഹോദരൻ ഗർഷാസ്പ്, ഷെഹരിയാർ, തഹ്മുരസ്, ഹൊശ്നാഗ് എന്നിവർ വധിക്കപ്പെട്ടു.
എന്നിരുന്നാലും, ദാവർ ഈ വിധി ഒഴിവാക്കാനും പേർഷ്യയിലേക്ക് രക്ഷപ്പെടാനും ശ്രമിച്ചതായി ചില അഭിപ്രായങ്ങളുണ്ട്. [2]
വംശപരമ്പര
തിരുത്തുകഅവലംമ്പങ്ങൾ
തിരുത്തുക- ↑ Ellison Banks Findly (25 March 1993). Nur Jahan: Empress of Mughal India. Oxford University Press. pp. 170–172. ISBN 978-0-19-536060-8.
- ↑ 2.0 2.1 Waldemar Hansen, The Peacock Throne: The Drama of Mogul India (1986), p.85-6
- ↑ Khusrau Archived 2017-01-02 at the Wayback Machine. Tuzk-e-Jahangiri, The Memoirs of Jahangir (Rogers), Volume 2, chpt. 52 ".
- ↑ "Commanders of Three Hundred". Archived from the original on 2017-01-02. Retrieved 2020-08-06.
- ↑ "On the first of the Divine month of Khurdād Prince Dāwar-bakhsh, s." Archived from the original on 2017-01-02. Retrieved 2020-08-06.
- ↑ Dr S. B. Rajyagor, Gujarat State Gazetteers: Ahmadabad District Gazetteer (1984), p. 89
- ↑ Taylor, G.P.(1907).