തോമസ് കുര്യാളശേരി
ഈ ലേഖനത്തിന്റെ വിഷയം വിക്കിപീഡിയയുടെ ശ്രദ്ധേയതനയം
അനുസരിച്ച് ചോദ്യം ചെയ്യപ്പെട്ടിരിക്കുന്നു. |
ക്രൈസ്തവസഭയിലെ ഒരു ദൈവദാസനാണ് മാർ തോമസ് കുര്യാളശേരി. (ജനനം: ജനുവരി 14, 1873; മരണം: ജൂൺ 2, 1925). ഇദ്ദേഹത്തിന്റെ നന്മയും ശ്രേഷ്ഠഗുണങ്ങളും പരിഗണിച്ച് ബെനെഡിക്ട് പതിനാറാമൻ മാർപ്പാപ്പ ബിഷപ്പ് കുര്യാളശേരിയെ വാഴ്ത്തപ്പെട്ടവാനാക്കുവാനുള്ള കല്പന നൽകി. ചങ്ങനാശേരി രൂപതയുടെ ആദ്യ ബിഷപ്പായിരുന്നു ഇദ്ദേഹം.[1] 1873 ജനുവരി 14 ന് കോട്ടയം ജില്ലയിൽ ചങ്ങനാശ്ശേരി താലൂക്കിൽ (അന്ന് കോട്ടയം ജില്ലയിലായിരുന്നു ചമ്പക്കുളം) ചമ്പക്കുളത്താണ് ഇദ്ദേഹത്തിന്റെ ജനനം.1925 ജൂൺ 2-ന് റോമിൽ വച്ച് അന്തരിച്ചു.
| അതിരൂപതാ മുൻ ബിഷപ്പ് തോമസ് കുര്യാളശേരി | |
|---|---|
| ചങ്ങനാശ്ശേരി അതിരൂപതാ പ്രഥമ ബിഷപ്പ് | |
 | |
| രൂപത | ചങ്ങനാശ്ശേരി അതിരൂപത |
| പിൻഗാമി | മാർ ജയിംസ് കാളാശ്ശേരി |
| വ്യക്തി വിവരങ്ങൾ | |
| ജനനം | ജനുവരി 14, 1873 ചമ്പക്കുളം (ചങ്ങനാശ്ശേരി), കേരളം, ഇന്ത്യ |
| മരണം | ജൂൺ 2, 1925 |
| കബറിടം | റോം, ഇറ്റലി |
| ദേശീയത | ഇന്ത്യ |
| വിഭാഗം | സീറോ മലബാർ കത്തോലിക്കാ സഭ |
| ജീവിതവൃത്തി | മെത്രാപ്പോലീത്ത |
ജീവചരിത്രംതിരുത്തുക
പതിനാറാം വയസ്സിൽ റോമിലെ പ്രൊപ്പഗാന്താ കോളേജിൽ ചേർന്നു. പത്തു വർഷത്തെ പഠനം കഴിഞ്ഞ് 1899-ൽ വൈദികപ്പട്ടം സ്വീകരിച്ചു. 1911-ൽ ചങ്ങനാശ്ശേരിയുടെ വികാരി അപ്പസ്തോലിക്കയായി. സ്ത്രീകൾക്കു വേണ്ടി വാഴപ്പള്ളിയിൽ ആരാധനാമഠം 1908-ൽ സ്ഥാപിച്ചു. 1914-ൽ വീണ്ടും റോമിലെത്തി മാർപാപ്പയെ സന്ദർശിച്ചു. 1921-ൽ സെന്റ് ബർക്കുമാൻസ് കോളേജ് സ്ഥാപിക്കുന്നതിനായി മുൻ നിരയിൽ നിന്നു പ്രവർത്തിച്ചു. 1925-ൽ വീണ്ടും റോം സന്ദർശിക്കുകയും ആസമയത്ത് മരണമടയുകയും ചെയ്തു. വത്തിക്കാനു സമീപം റോമാ നഗരത്തിൽ സംസ്കരിച്ചു.
അവലംബംതിരുത്തുക
- ↑ "ചങ്ങനാശ്ശേരി അതിരൂപത -- മെത്രാപോലിത്തമാർ". മൂലതാളിൽ നിന്നും 2011-09-04-ന് ആർക്കൈവ് ചെയ്തത്. ശേഖരിച്ചത് 2011-08-15.