തുപ്പേട്ടൻ
കേരളത്തിലെ ഒരു നാടകകൃത്തും നാടകസംവിധായകനുമായിരുന്നു തുപ്പേട്ടൻ (1 മാർച്ച് 1929 - 1 ഫെബ്രുവരി 2019) എന്നപേരിലറിയപ്പെടുന്ന മാമണ്ണ് സുബ്രഹ്മണ്യൻ നമ്പൂതിരി. മികച്ച നാടകത്തിനുള്ള കേരള സാഹിത്യ അക്കാദമി പുരസ്കാരം 2003-ൽ വന്നന്ത്യേ കാണാം എന്ന നാടകത്തിലൂടെ നേടി[1] .
എം. സുബ്രഹ്മണ്യൻ നമ്പൂതിരി | |
|---|---|
 തുപ്പേട്ടൻ | |
| ജനനം | മാർച്ച് 1, 1929 |
| മരണം | ഫെബ്രുവരി 1, 2019 (പ്രായം 89) തൃശ്ശൂർ |
| ദേശീയത | ഇന്ത്യൻ |
| തൊഴിൽ | നാടകകൃത്ത്, ചിത്രകലാ അദ്ധ്യാപകൻ |
| ജീവിതപങ്കാളി(കൾ) | ഉമാദേവി |
| കുട്ടികൾ | സുമ സാവിത്രി അജിത, രവി രാമൻ |
ജീവിതരേഖ
തിരുത്തുക1929 മാർച്ച് 1-നു് തൃശ്ശൂർ ജില്ലയിലെ പാഞ്ഞാളിലെ വേദ പണ്ഡിതനായ മാമണ്ണ് ഇട്ടിരവി നമ്പൂതിരിയുടെയും ദേവകി അന്തർജ്ജനത്തിന്റെയും മകനായി ജനിച്ചു. പാഞ്ഞാൾ വിദ്യാലയം, സി.എൻ.എൻ. ഹൈസ്‌കൂൾ, ചേർപ്പ്‌, എസ്‌.എം.ടി. എച്ച്‌.എസ്‌. ചേലക്കര, മഹാരാജാസ് കോളേജ്, സ്‌കൂൾ ഓഫ്‌ ആർട്ട്‌സ്‌, മദ്രാസ്‌ എന്നിവിടങ്ങളിലായി വിദ്യാഭ്യാസം പൂർത്തിയാക്കി[2][3]. ഒരു കൊല്ലം കൊച്ചിയിൽ മുണ്ടംവേലി ഹൈസ്‌കൂളിലും പിന്നീട്‌ 27 കൊല്ലം പാഞ്ഞാൾ സ്‌കൂളിലും ചിത്രകലാദ്ധ്യാപകനായിരുന്നു. ഉമാദേവി ഭാര്യയും സുമ, സാവിത്രി, അജിത, രവി, രാമൻ എന്നിവർ മക്കളുമാണ്. 2019 ഫെബ്രുവരി 1-ന് തൃശ്ശൂരിലെ ഒരു സ്വകാര്യ ആശുപത്രിയിൽ വെച്ച് അന്തരിച്ചു[4]
നാടകങ്ങൾ
തിരുത്തുക- തനതുലാവണം
- വന്നന്ത്യേ കാണാം
- മോഹനസുന്ദരപാലം
അവലംബം
തിരുത്തുക- ↑ "Akbar Kakkattil wins best novelist award". The Hindu. Archived from the original on 2004-03-11. Retrieved 13 ഡിസംബർ 2011.
- ↑ "തുപ്പേട്ടൻ". Archived from the original on 2012-08-25. Retrieved 2011-12-13.
- ↑ "തുപ്പേട്ടൻ - പാഞ്ഞാളിന്റെ സ്വന്തം നാടകക്കാരൻ". Archived from the original on 2005-02-06. Retrieved 2011-12-13.
- ↑ നാടകകൃത്തും ചിത്രകാരനുമായ തുപ്പേട്ടൻ അന്തരിച്ചു