ഡേവിസ് ചിറമ്മൽ

സിറോ-മലബാർ കത്തോലിക്കാ പുരോഹിതനും ആക്സിഡന്റ് കെയർ ആൻഡ് ട്രാൻസ്പോർട്ട് സർവീസിന്റെയും (ആക്റ്റ്സ്) കിഡ്നി ഫെഡറേഷൻ ഓഫ് ഇന്ത്യ സ്ഥാപകനാണ് വൃക്ക അച്ചൻ എന്ന പേരിൽ അറിയപ്പെടുന്ന ഡേവിസ് ചിറമ്മൽ.

ഫാദർ ഡേവിസ് ചിറമ്മൽ
സഭ	സിറോ മലബാർ സഭ
അതിരൂപത	തൃശൂർ അതിരൂപത
വൈദിക പട്ടത്വം	30 ഡിസംബർ 1988
വ്യക്തി വിവരങ്ങൾ
ജനനം	(1960-12-30) 30 ഡിസംബർ 1960 അരുണാട്ടുകര, തൃശ്ശൂർ, കേരളം
ദേശീയത	ഇന്ത്യ
വിഭാഗം	കത്തോലിക്ക
ഭവനം	അരുണാട്ടുകര, തൃശ്ശൂർ, കേരളം
മാതാപിതാക്കൾ	ചാക്കുണ്ണി, കൊച്ചന്നം
ജീവിതവൃത്തി	പുരോഹിതൻ, സാമൂഹിക പരിഷ്കർത്താവ്
വിദ്യാകേന്ദ്രം	സെന്റ് സിറിയക് ചർച്ച്, വയലത്തൂർ, തൃശ്ശൂർ, കേരളം, ഇന്ത്യ

മുൻകാലജീവിതം

1960 ഡിസംബർ 30 ന് ചിറമ്മൽ ചക്കുണ്ണിയുടെയും കൊച്ചന്നാമിന്റെയും മകനായി ഡേവിസ് അരുണട്ടുകരയിൽ ജനിച്ചു. അരുണട്ടുകര തരകൻ ഹൈ സ്കൂളിൽ വിദ്യാഭ്യാസം പൂർത്തിയാക്കിയ അദ്ദേഹം തൃശ്ശൂർ നഗരത്തിലെ തോപ്പ് സെന്റ് മേരീസ് മൈനർ സെമിനാരിയിലേക്കും കൂടുതൽ പഠനത്തിനായി ആലുവ പോണിറ്റിഫിക്കൽ സെമിനാരിയിലേക്കും പോയി.ആർച്ച് ബിഷപ്പ് മാർ ജോസഫ് കുണ്ടുകുളം 1988 ഡിസംബർ 30 ന് അരുണട്ടുകര സെന്റ് തോമസ് പള്ളിയിൽ ഡേവിസിനെ പൗരോഹിത്യത്തിലേക്ക് നിയമിച്ചു.

വൃക്ക ദാനം

'വൃക്ക പുരോഹിതൻ' എന്നറിയപ്പെടുന്ന ഫാ. ഡേവിസ് ചിറമ്മൽ തന്റെ പുരോഹിത കടമകളിൽ നിന്ന് ഒരു പടി മുന്നോട്ട് പോയി, കിഡ്നി ഫെഡറേഷൻ ഓഫ് ഇന്ത്യ എന്ന പേരിൽ രൂപീകരിച്ച സംഘടനയിലൂടെ വൃക്കരോഗികൾക്കു വൃക്ക ലഭ്യമാക്കുന്നത് ഉൾപ്പെടെയുള്ള പ്രവർത്തനങ്ങളിൽ സജീവമാണ്. സ്വന്തം വൃക്ക ദാനം ചെയ്തു കൊണ്ടാണ് ഇദ്ദേഹം ഈ രംഗത്ത് സജീവമായത്. ആക്സ് (ആക്സിഡൻറ് കെയർ ആൻഡ് ട്രാൻസ്പോർട്ട് സർവീസ്) എന്ന പേരിൽ പ്രവർത്തിക്കുന്ന സന്നദ്ധ സംഘടനയുടെ സ്ഥാപകൻ കൂടിയാണ് ഫാ. ചിറമ്മൽ. വാഹനാപകടങ്ങളിൽപ്പെട്ടവരെയും മറ്റും ആശുപത്രികളിൽ എത്തിക്കുന്ന സന്നദ്ധ സേവന സംഘടനയാണ് ആക്സ്.