ഡാൻഡി ഡിൻമൊന്റ് ടെറിയർ

ഒരു ടെറിയർ നായ ഇനം. വലിപ്പം കുറഞ്ഞ ഇത്തരം നായ്ക്കൾ അസാമാന്യമായ കഴിവും വിവേകവും വൈദഗ്ദ്ധ്യവും പ്രകടിപ്പിക്കുന്നവയാണ്. ഇവയ്ക്ക് 20-28 സെ. മീ. ഉയരവും, എട്ടു കി.ഗ്രാം വരെ ഭാരവുമുണ്ടായിരിക്കും. ശരീരം നീളം കുറഞ്ഞതും ബലമുള്ളതുമാണ്. ശരീരത്തിലെ രോമങ്ങൾ പരുഷവും എളുപ്പത്തിൽ പൊട്ടിപ്പോകുന്നതുമാണ്. തല വലിപ്പം കൂടിയതും ഗോളാകാരത്തിലുള്ളതുമായിരിക്കും. തലയിൽ ഇളം കറുപ്പോ തവിട്ടോ നിറത്തിൽ സിൽക്കു പോലുള്ള മൃദുരോമങ്ങളാണുള്ളത്.

ഡാൻഡി ഡിൻമൊന്റ് ടെറിയർ
The "mustard" colour of the dandie can be any shade including and between reddish brown and fawn
Common nicknames	ഡാൻഡി Hindlee Terrier
Origin	Scotland
Traits Weight 18–24 pound (8.2–10.9 കി.ഗ്രാം) Height 8–11 inches (20–28 സെ.മീ) Coat Rough coated Color Pepper or mustard Life span 11–13 years
Kennel club standards FCI standard
Dog (domestic dog)

സ്കോട്ട്‌ലൻഡിനും ഇംഗ്ലണ്ടിനും ഇടയ്ക്കുള്ള ഭൂപ്രദേശങ്ങളിലെവിടെയെങ്കിലുമായിരിക്കാം ഈ ഇനം ടെറിയറുകളുടെ ജന്മദേശമെന്ന് കരുതപ്പെടുന്നു. 1600 കളിൽ ചെറുജന്തുക്കളെ വേട്ടയാടാനായിരുന്നു ഇവയെ ഉപയോഗപ്പെടുത്തിയിരുന്നത്. വളരെ ശൗര്യമുള്ള ഇത്തരം ടെറിയറുകൾ യാതൊരു പ്രതിബന്ധങ്ങൾക്കും വഴങ്ങാത്ത സ്വഭാവ സവിശേഷതയുള്ളവയാണ്. ഇവയെ പ്രേരിപ്പിച്ചാൽ മറ്റു ജന്തുക്കളോട് ഇവ വളരെ ശക്തമായി പോരാടും. സാധാരണയായി കുറുക്കനെയും മറ്റും വേട്ടയാടാൻ ഇവയെ ഉപയോഗിച്ചുവരുന്നു. ഇവയെ വളർത്തു നായ്ക്കളായും ഉപയോഗപ്പെടുത്താൻ തുടങ്ങിയിട്ടുണ്ട്. വലിപ്പം കുറഞ്ഞ ഇത്തരം നായ്ക്കളെ വളർത്താൻ വളരെക്കുറച്ചു സ്ഥലം മാത്രമേ ആവശ്യമുള്ളൂ. ഇത്തരം നായ്ക്കളുടെ അമിത വാത്സല്യവും വിവേകവും അവസരോചിതമായി പെരുമാറാനുള്ള കഴിവും പ്രശംസനീയമാണ്.

അവലംബം

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡാൻഡി ഡിൻമൊന്റ് ടെറിയർ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.