ടി.കെ.എസ്. മണി

കേരളത്തിലെ പ്രശസ്തനായ ഫുട്ബോൾ കളിക്കാരനാണ് ടി.കെ.എസ്. മണി എന്ന താളിക്കാവ് സുബ്രഹ്മണ്യൻ. ക്യാപ്റ്റൻ മണി എന്നാണ് അറിയപ്പെട്ടിരുന്നത്.

ജീവിതരേഖ

1940 ഏപ്രിൽ 8-ന് കണ്ണൂരിൽ തങ്കസ്വാമിയുടെയും സരസ്വതിയുടെയും മകനായി ജനനം. 2017 ഏപ്രിൽ 27ന് അന്തരിച്ചു.

ഫുട്ബോൾ

1973-ൽ എറണാകുളം മഹാരാജാസ് കോളേജ് ഗ്രൗണ്ടിൽ നടന്ന സന്തോഷ് ട്രോഫി ഫൈനലിൽ നായകൻ മണി നേടിയ ഹാട്രിക് ഗോളോടെയാണ് കേരളം ആദ്യമായി സന്തോഷ് ട്രോഫി സ്വന്തമാക്കുന്നത്. കണ്ണൂർ ജിംഖാന ക്ലബിനുവേണ്ടി കളിച്ച് തുടങ്ങിയ മണി, പിന്നീട് ഫാക്ട് ടീമിൽ അംഗമായി. 1969-ൽ കേരള ടീമിൽ അംഗമായ മണി, അഞ്ച് വർഷക്കാലം കേരളത്തിനായി കളിച്ചു. എറണാകുളം ഫാക്റ്റിൽ ജീവനക്കാരനായിരുന്നു.

കുടുംബം

രാജമ്മയാണ് ഭാര്യ. ആനന്ദ്, ജ്യോതി, ഗീത, അരുൺ എന്നിവർ മക്കളാണ്.