ഞവരി

നെല്പ്പാടങ്ങളിൽ ഭൂമി ഉഴുതതിനുശേഷം നിരത്താനുപയോഗിക്കുന്ന പണിയായുധമാണ്‌ ഞവരി അഥവാ ഞവർപ്പുമുട്ടി. അഞ്ചാറടി നീളവും ഒരടിയിൽ താഴെ വീതിയുമുള്ള പലകയാണിതിന്റെ പ്രധാന ഭാഗം. ഈ പലകയുടെ അഗ്രം അല്പം വളഞ്ഞിരിക്കും. ചെളി കോരിയെടുക്കുന്നതിനു സഹായിക്കുന്നതരത്തിൽ ഈ വളവ് ക്രമീകരിച്ചിരിക്കും. ഞവരിപ്പലക നുകവുമായി ബന്ധിപ്പിച്ചാണ്‌ പ്രവർത്തിപ്പിക്കുന്നത്. ഇതിനായി കയറാണ്‌ ഉപയൊഗിക്കുന്നത്. പകരം മുളയാണ്‌ ഉപയോഗിക്കുന്നതെങ്കിൽ അതിന്റെ ഞവിരിത്തൊട പള്ളക്കൈ എന്നു പറയുന്നു.

മറ്റു നിരത്തുപകരണങ്ങൾ

• അടിമരം
• ഊർച്ച
• മുഴച്ചി
• ഊർച്ചമരം
• വള്ളിച്ചെരിപ്പ്
• താവ
• കോരിപ്പലക