ജീൻ സ്മിത്ത്

ജീൻ എ സ്മിത്ത് (1931 – 2006) ഹാർലെം ഹോസ്പിറ്റൽ സെന്ററിലെ മുൻ ഭരണനിർവ്വാഹകയും സിക്കിൾ സെൽ അനീമിയയ സംബന്ധമായി ചികിത്സയിലെ ഒരു വിദഗ്ധയുമായിരുന്നു. നവജാതശിശുക്കളെ സിക്കിൾ സെൽ അനീമിയ പരിശോധിക്കുന്നതിനുള്ള ഫെഡറൽ മാർഗ്ഗനിർദ്ദേശങ്ങൾ സ്ഥാപിക്കാൻ അവർ സഹായിച്ചു.

ജീവചരിത്രം

അമേരിക്കൻ ഐക്യനാടുകളിലെ മാൻഹട്ടനിലാണ് സ്മിത്ത് ജനിച്ചത്. സാറാ ലോറൻസ് കോളേജിൽ നിന്ന് ബിരുദം നേടിയ അവർ 1957 ൽ ന്യൂയോർക്ക് സർവ്വകലാശാലിയിൽ നിന്ന് വൈദ്യശാസ്ത്ര ബിരുദം നേടി. പിന്നീട്, കൊളംബിയ സർവ്വകലാശാലിയിൽ നിന്ന് പൊതുജനാരോഗ്യത്തിൽ ബിരുദാനന്തര ബിരുദവും കരസ്ഥമാക്കി.

1968-ൽ ഹാർലെം ആശുപത്രിയിൽ ജോലിയ്ക്കു ചേർന്ന സ്മിത്ത് 1984-നും 1987-നും ഇടയിൽ മെഡിക്കൽ ബോർഡിന്റെ പ്രസിഡന്റായി സേവനമനുഷ്ഠിച്ചു. അവർ അതിന്റെ സിക്കിൾ സെൽ സെന്ററിന്റെ ഡയറക്ടറായി പ്രവർത്തിക്കുകയും കൊളംബിയയിൽ അദ്ധാപനം നടത്തുകയും ചെയ്തു. സിക്കിൾ സെൽ അനീമിയയെയും അനുബന്ധ രോഗങ്ങളെയും കുറിച്ച് 1970-കളിലും 80-കളിലും 90-കളിലും നിരവധി നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് -ഫണ്ട് പഠനങ്ങൾക്ക് സ്മിത്ത് നേതൃത്വം നൽകിയിട്ടുണ്ട്. 1970-കളിൽ, അവർ ഒരു NIH പഠനം നടത്തി, അത് പ്രാഥമികമായി സിക്കിൾ സെൽ അനീമിയ ബാധിച്ച കറുത്ത വർഗക്കാരായ രോഗികളുടെ വളർച്ചയും വികാസവും ശൈശവം മുതൽ പ്രായപൂർത്തിയാകുന്നതുവരെ ഇത് തുടർന്നു. കാലക്രമേണ രോഗത്തിന്റെ തീവ്രത അളക്കുന്നതിനുള്ള ഒരു പ്രധാന മെട്രിക് ആയി ഈ പഠനം മാറി. 1993-ൽ, പശ്ചിമേഷ്യൻ, മെഡിറ്ററേനിയൻ, തെക്കേ അമേരിക്കൻ വംശജരായ ശിശുക്കൾക്കായി കൂടുതൽ തീവ്രമായ സ്ക്രീനിംഗ് ആവശ്യപ്പെടുന്ന ഒരു പാനലിന്റെ കോ-ചെയർമാനായിരുന്നു സ്മിത്ത്. ഈ പാനൽ രോഗമുള്ള ശിശുക്കൾക്ക് വാക്സിനേഷനുകളും ആന്റിബയോട്ടിക് ചികിത്സകളും അവർ ശുപാർശ ചെയ്യുകയും, ഈ മാർഗ്ഗനിർദ്ദേശങ്ങൾ അമേരിക്കൻ അക്കാദമി ഓഫ് പീഡിയാട്രിക്സ് അംഗീകരിച്ചതോടൊപ്പം ഇത് വ്യാപകമായ അംഗീകാരം നേടുകയും ചെയ്തു. 1970-കളിൽ എൻജെയുടെ വിദ്യാഭ്യാസ ബോർഡിന്റെ പ്രസിഡന്റായും 1980-കളിൽ അതിന്റെ ബോർഡ് ഓഫ് ഹെൽത്തിന്റെ പ്രസിഡന്റായും സ്മിത്ത് സേവനമനുഷ്ഠിച്ചു.