ജിംഖാന

കായിക മത്സരങ്ങൾ നടത്തുവാനുള്ള ഒരു കേന്ദ്രമാണ് ജിംഖാന (ഇംഗ്ലീഷ്: Gymkhana, ഹിന്ദി: जिमख़ाना). ഇന്ത്യയിൽ ജിംഖാനകൾ ജിംനേഷ്യങ്ങളുടെ ഒരു തനതു രൂപമായിരുന്നു. ഇന്ത്യൻ ഉപഭൂഖണ്ഡത്തിലും മറ്റ് ഏഷ്യൻ രാജ്യങ്ങളായ മലേഷ്യ, തായ്‌ലാന്റ്, സിംഗപ്പൂർ തുടങ്ങിയ രാജ്യങ്ങളിലും സാമൂഹിക-കായിക കൂട്ടായ്മകളെ ജിംഖാനകൾ എന്നു പരാമർശിക്കാറുണ്ട്.

'പന്ത് ' എന്നർത്ഥമുള്ള ജെണ്ട് എന്ന ഹിന്ദി പദവും 'ഇടം', 'വീട്' തുടങ്ങിയ അർത്ഥങ്ങളുള്ള ഖാനാ എന്ന പേർഷ്യൻ പദവും ചേർന്നാണ് ജിംഖാന എന്ന പദം രൂപപ്പെട്ടത്.

ചില രാജ്യങ്ങളിൽ കുതിരപ്പന്തയങ്ങളും കുതിരപ്പുറത്തുള്ള മറ്റ് മത്സരങ്ങളും പ്രദർശിപ്പിക്കുന്ന പരിപാടികളെയും വേഗതയും സമയവും പ്രധാന ഘടനങ്ങളായ ഒരു തരം മോട്ടോർവാഹന വിനോദമൽസരങ്ങളെയും ജിംഖാനകൾ എന്ന് അറിയപ്പെടുന്നു.