ജന്നത്തുൽ മുഅല്ല

മക്കയിലെ ചരിത്ര പ്രസിദ്ധമായ ഇസ്ലാമിക ഖബറിടമാണ് ജന്നത്തുൽ മുഅല്ല ( جنة المعلى - Jannatul Mu'alla ). മദീനയിലെ ജന്നത്തുൽ ബഖീ കഴിഞ്ഞാൽ മുസ്ലിം ലോകത്ത് ചരിത്ര പ്രാധാന്യമുള്ള ഖബറിടമാണ്‌ മക്കയിലെ ജന്നതുൽ മുഅല്ല. മസ്ജിദുൽ ഹറമിന്റെ വടക്ക് ഭാഗത്ത് 700 മീറ്റർ അകലെയായിട്ടാണ്‌ ജന്നത്തുൽ മുഅല്ല സ്ഥിതി ചെയ്യുന്നത്. 100000 ചതുരശ്ര മീറ്റർ ആണ് ജന്നത്തുൽ മുഅല്ലയുടെ വിസ്ത്രിതി.

ജന്നത്തുൽ മുഅല്ല

മുഅല്ല ഖബറിടം
വിവരണം
സ്ഥാപിതം	മുഹമ്മദ്‌ നബിയുടെ കാലത്ത്
സ്ഥലം	മക്ക
രാജ്യം	സൗദി അറേബ്യ
വിഭാഗം	മുസ്‌ലിം
ഉടമസ്ഥൻ	സൗദി ഔകാഫ് മന്ത്രാലയം
വലുപ്പം	100000 ചതുരശ്ര മീറ്റർ
കല്ലറകളുടെ എണ്ണം	ലഭ്യമല്ല

ചരിത്രം

മുഹമ്മദ്‌ നബിയുടെ കാലത്താണ് ജന്നത്തുൽ മുഅല്ല സ്ഥാപിച്ചത്. ഇസ്ലാമിക ചരിത്രത്തിൽ പരാമർശിക്കപ്പെട്ട ഒട്ടേറെ മഹാന്മാർ അന്ത്യവിശ്രമം കൊള്ളുന്ന പ്രദേശമാണ് ജന്നത്തുൽ മുഅല്ല. മക്കയിലേക്ക് തീര്ഥാടനത്തിനു വന്നു മരണപ്പെട്ടവർ, മക്ക നിവാസികൾ എന്നിവരെയും ഇവിടെ അടക്കം ചെയ്തിട്ടുണ്ട്. അടുത്ത കാലത്ത് ജന്നത്തുൽ മുഅല്ലക്ക് പുതിയ ചുറ്റുമതിൽ നിർമിച്ചിട്ടുണ്ട്.