ചീങ്കണ്ണിപ്പുഴ
വളപട്ടണം പുഴയുടെ പോഷകനദിയാണ് ചീങ്കണ്ണിപ്പുഴ. ആറളം വന്യജീവി സങ്കേതത്തോടു ചേർന്നാണ് ചീങ്കണ്ണി പുഴ ഒഴുകുന്നത്[1]. ആറളം വനാന്തരങ്ങളിൽ നിന്നാരംഭിക്കുന്ന 167-ൽ പരം അരുവികൾ ചീങ്കണ്ണിപ്പുഴയ്ക്ക് ജീവൻ പകരുന്നു. മിസ് കേരള മത്സ്യം ഈ പുഴയിൽ കാണപ്പെടുന്നുണ്ട്. വേനലിൽ വറ്റിവരളാതെയും മഴക്കാലത്ത് കരകവിഞ്ഞും ഒഴുകുന്ന ചീങ്കണ്ണിപ്പുഴയിൽ മീൻമുട്ടി, ചാവിച്ചി എന്നീ രണ്ട് വെള്ളച്ചാട്ടങ്ങളുണ്ട്. ആറളം വന്യജീവി സങ്കേതത്തിന്റെ പ്രവേശനകവാടത്തിൽ നിന്നും 15 കിലോമീറ്റർ ഉള്ളിലായാണ് മീൻമുട്ടി വെള്ളച്ചാട്ടം.
