ഗോപാലർ മാ
ബംഗാളിൽ നിന്നുള്ള സന്യാസിനിയും ആത്മ ജ്ഞാനിയും ശ്രീരാമകൃഷ്ണന്റെ ഭക്തയും ഗൃഹസ്ഥ ശിഷ്യയുമായിരുന്നു ഗോപാലർ മാ (വിവർത്തനം: ഗോപാലന്റെ അമ്മ, ശ്രീകൃഷ്ണന്റെ വിശേഷണം; 1822 - 8 ജൂലൈ 1906). അവരുടെ ജന്മനാമം അഘോരേമണി ദേവി എന്നായിരുന്നു. എന്നാൽ ശ്രീരാമകൃഷ്ണ ഭക്തരുടെ ഇടയിൽ അവർ ഗോപാലർ മാ എന്നറിയപ്പെട്ടു. കാരണം "ഗോപാലൻ" അല്ലെങ്കിൽ ഉണ്ണികൃഷ്ണൻ എന്ന രീതിയിലുള്ള ശ്രീരാമകൃഷ്ണനോടുള്ള തീവ്രമായ മാതൃസ്നേഹമായിരുന്നു. [1] ശ്രീരാമകൃഷ്ണന്റെ ആദർശങ്ങളോടുള്ള അവരുടെ ഭക്തിയും ഒരു കുഞ്ഞ് എന്ന നിലയിൽ ശ്രീകൃഷ്ണനെക്കുറിച്ചുള്ള ദിവ്യ ദർശനങ്ങളാലും അവർ പ്രശസ്തയായിരുന്നു. പിന്നീടുള്ള വർഷങ്ങളിൽ അവർ സ്വാമി വിവേകാനന്ദനോടും സിസ്റ്റർ നിവേദിതയോടും വളരെ അടുത്തു. സിസ്റ്റർ നിവേദിതയോടൊപ്പമാണ് അവർ ജീവിതത്തിന്റെ അവസാന വർഷങ്ങൾ ചിലവഴിച്ചത്.
ഗോപാലർ മാ | |
|---|---|
| അഘോരേമണി ദേവി | |
 ഗോപാലർ മാ, ശ്രീരാമകൃഷ്ണന്റെ ഭക്ത, who had visions of Gopala or baby Krishna in Sri Ramakrishna | |
| ജനനം | അഘോരേമണി ദേവി 1822 |
| മരണം | 8 ജൂലൈ 1906 |
| ദേശീയത | ഇന്ത്യൻ |
| മറ്റ് പേരുകൾ | കമർഹതിർ ബ്രാഹ്മണി |
| പൗരത്വം | ഇന്ത്യ |
| തൊഴിൽ | വീട്ടമ്മ |
| അറിയപ്പെടുന്നത് | ആത്മീയ ഭക്തി |
മുൻകാലജീവിതം
തിരുത്തുക1822 ൽ കൊൽക്കത്തയ്ക്കടുത്തുള്ള കമർഹതി എന്ന ഗ്രാമത്തിൽ ഒരു ബ്രാഹ്മണ കുടുംബത്തിലാണ് അഘോരെമണി ദേവി ജനിച്ചത്. അക്കാലത്ത് നിലനിന്നിരുന്ന ആചാരങ്ങൾ അനുസരിച്ച്, അവർക്ക് ഒൻപത് വയസ്സുള്ളപ്പോൾ വിവാഹിതയായി. പക്ഷേ വിവാഹം കഴിഞ്ഞയുടനെ പതിനാല് വയസ്സ് മാത്രം പ്രായമുള്ളപ്പോൾ അവർ വിധവയായി. വിധവയെന്ന നിലയിൽ അവർ കമർഹട്ടിയിലെ കൃഷ്ണ ക്ഷേത്രത്തിൽ പുരോഹിതനായിരുന്ന അവരുടെ സഹോദരനായ നീലമാധവ് ബന്ദോപാധ്യായയുടെ വീട്ടിൽ താമസിച്ചു. [2] അവരുടെ ഭർത്താവിന്റെ കുടുംബത്തിലെ കുടുംബഗുരുവാണ് അവരെ ആത്മീയ ജീവിതത്തിലേക്ക് നയിച്ചത്. ഉണ്ണികൃഷ്ണനെ അവരുടെ വ്യക്തിപരമായ ദൈവമായി കരുതി. ക്ഷേത്രത്തിൽ ഇടയ്ക്കിടെ പോകുമ്പോൾ അവർക്ക് ഗംഗാ നദിയുടെ തീരത്തുള്ള ക്ഷേത്രത്തോട്ടത്തിൽ ഒരു ചെറിയ മുറി നൽകിയ ഉടമയായ ഗോവിന്ദ ചന്ദ്ര ദത്തയുടെ ഭാര്യയുമായി പരിചയമുണ്ടായിരുന്നു. അവർ തന്റെ ആഭരണങ്ങളും ഭർത്താവിന്റെ സ്വത്തും വിറ്റ് അഞ്ഞൂറ് രൂപ നിക്ഷേപിക്കുകയും [2] ചെറിയ വരുമാനമായ നാലോ അഞ്ചോ രൂപയിൽ ലളിതവും ധ്യാനാത്മകവുമായ ജീവിതം നയിക്കുകയും ചെയ്തു.[3] അവരുടെ ജീവിതത്തിന്റെ അടുത്ത മുപ്പത് വർഷങ്ങൾ ആ ചെറിയ മുറിയിൽ ചിലവഴിക്കുകയും വളരെ കർക്കശമായ ജീവിതം നയിക്കുകയും ചെയ്തു. [4] അവരുടെ ദിനചര്യയിൽ പുലർച്ചെ രണ്ട് മണിക്ക് ഉണർന്ന് ശുദ്ധിസ്നാനം പൂർത്തിയാക്കി രാവിലെ എട്ട് വരെ ആത്മീയ പരിശീലനങ്ങൾ തുടർന്നു. രാധാ മാധവ ക്ഷേത്രം എന്ന് വിളിക്കപ്പെടുന്ന കൃഷ്ണന്റെ അടുത്ത ക്ഷേത്രത്തിൽ അവർ ജോലി ചെയ്തു. അവരുടെ മുഴുവൻ ദിവസവും ധ്യാനത്തിലൂടെയോ ജപത്തിലൂടെയോ വിശുദ്ധ മന്ത്രത്തിന്റെ ആവർത്തനത്തിലൂടെയോ ഉണ്ണികൃഷ്ണന്റെ തിരഞ്ഞെടുത്ത ആദർശത്തിനായുള്ള സേവനത്തിലൂടെയോ ഏതെങ്കിലും രൂപത്തിൽ ആത്മീയ പരിശീലനങ്ങളിൽ ചെലവഴിച്ചു. 1852 മുതൽ 1883 വരെ അവർ ഈ പതിവ് പിന്തുടർന്നു. [3] വൈകുന്നേരം അവർ ക്ഷേത്രത്തിലെ വേകുന്നേരത്തെ പൂജകളിൽ പങ്കെടുക്കുകയും ആചാരങ്ങൾ അനുസരിച്ച് അവർ അനുയോജ്യമായത് അർപ്പിച്ചതിന് ശേഷം ലളിതമായ ഭക്ഷണം കഴിക്കുകയും അർദ്ധരാത്രി വരെ അവരുടെ ആത്മീയ പരിശീലനങ്ങളിൽ തുടരുകയും ചെയ്തു. [1] അവർ പൂന്തോട്ട വീടിന്റെ തെക്ക് പടിഞ്ഞാറ് മൂലയിൽ താമസിച്ചു. അവരുടെ കഠിനമായ പതിവ് ആചാരങ്ങളിൽ നിന്നും തപസ്സിൽ നിന്നുമുള്ള ഒരേയൊരു ഇടവേള മഥുര, വൃന്ദാവൻ, ഗയ, വാരാണസി, അലഹബാദ് എന്നീ പുണ്യസ്ഥലങ്ങളിലേക്കുള്ള യാത്രയായിരുന്നു. [2]
മതപരമായ കാഴ്ചപ്പാട്
തിരുത്തുകആചാരങ്ങൾ അനുസരിച്ച് കർശനമായ യാഥാസ്ഥിതിക ഹിന്ദുവായിരുന്നു അഘോരെമണി ദേവി. അവർ യാഥാസ്ഥിതികയായിരുന്നു. അവരുടെ ജീവിതത്തിന്റെയും ആദർശങ്ങളുടെയും പരിശുദ്ധി സംരക്ഷിക്കുന്നതിൽ അതീവ ശ്രദ്ധാലുവായിരുന്നു. [5] സ്വാമി ശാരദാനന്ദ തന്റെ പുസ്തകത്തിൽ ശ്രീരാമകൃഷ്ണ ലീലാ പ്രസംഗ (രാമകൃഷ്ണ, മഹാനായ മാസ്റ്റർ) ഒരു സംഭവം വിവരിച്ചുകൊണ്ട് ഈ കാര്യം ഊന്നിപ്പറയുന്നു. ശ്രീരാമകൃഷ്ണന്റെ ഒരു ഭക്തയെന്ന നിലയിൽ, ഗോപാലർ മാ ചോറ് വിളമ്പുമ്പോൾ, ഒരാൾ അബദ്ധത്തിൽ കലത്തിൽ ചോറ് കലക്കിയ വടിയിൽ തൊട്ടു. അഘോരെമണി ബാക്കിയുള്ള ചോറ് തൊടാതെ വടി വലിച്ചെറിഞ്ഞു. ഗോപാലർ മായ്ക്ക് ഭക്ഷണം തയ്യാറാക്കുന്നതിനുമുമ്പ് ശ്രീ ശാരദ ദേവിക്ക് നിരവധി തവണ അടുപ്പ് ശുദ്ധീകരിക്കേണ്ടിവന്നു. എന്നിരുന്നാലും, അവർ ശ്രീരാമകൃഷ്ണനോടും ഭക്ത വൃത്തത്തോടും കൂടുതൽ അടുക്കുമ്പോൾ അവരുടെ യാഥാസ്ഥിതിക പെരുമാറ്റവും ആചാരങ്ങളും ഗണ്യമായി കുറഞ്ഞു. ഭക്ഷണം തയ്യാറാക്കുന്നതിനെക്കുറിച്ചും ബാഹ്യശുദ്ധി കാത്തുസൂക്ഷിക്കുന്ന ശുചിത്വത്തിന്റെ ആചാരത്തെക്കുറിച്ചും അവർ കുറച്ചുകൂടി ഉത്സാഹഭരിതയായി വളർന്നു. അവരുടെ ജാതി മുൻവിധികൾ അപ്രത്യക്ഷമായി. അവരുടെ പിന്നീടുള്ള വർഷങ്ങളിൽ, പ്രചാരത്തിലുള്ള ആചാരങ്ങൾക്ക് വിരുദ്ധമായി സ്വാമി വിവേകാനന്ദന്റെ അമേരിക്കൻ ശിഷ്യരെ അതിഥികളായി പരിഗണിക്കുന്നതിൽ അവർക്ക് ഒരു പ്രശ്നവുമില്ലായിരുന്നു. പിന്നീട് അവർക്ക് സിസ്റ്റർ നിവേദിതയെപ്പോലുള്ള ഒരു വിദേശിയെ സ്വീകരിക്കാനും അവരുടെ അവസാനം വരെ അവരോടൊപ്പം ജീവിക്കാനും കഴിഞ്ഞു. [6]
അവലംബം
തിരുത്തുക- ↑ 1.0 1.1 "story of Gopaler Ma at RKM Nagpur". Archived from the original on 1 February 2014. Retrieved 19 January 2014.
- ↑ 2.0 2.1 2.2 "Life of Gopaler Ma". Archived from the original on 2015-09-24. Retrieved 2021-09-01.
- ↑ 3.0 3.1 "Gopaler Ma, Belur Math site". Archived from the original on 2018-01-17. Retrieved 2021-09-01.
- ↑ Gopaler Ma, boldsky article
- ↑ Ramakrishna, the Great Master, by Swami Saradananda, translated by Swami Jagadananda, Ramakrishna Math, Chennai, 1952, page 747
- ↑ Article by C.S Ramakrishnan on boldsky
പുറംകണ്ണികൾ
തിരുത്തുക- They Lived with God, by Swami Chetanananda, published by Vedanta Society of St. Louis
- Death of Gopaler Ma
- Gopaler Ma – Biography Archived 2015-09-24 at the Wayback Machine. [this link is hacked; it is taking me to some other website - Aug 2020]