ഗിരിജ ചന്ദ്രൻ
കേരളീയയായ ഒരു ഭരതനാട്യം നർത്തകിയും നൃത്ത അധ്യാപികയുമാണ് ഗിരിജ ചന്ദ്രൻ. 2011 ലെ കേരള സംഗീത നാടക അക്കാദമി പുരസ്കാരം നേടിയിട്ടുള്ള അവർ ഇന്ത്യൻ കൗൺസിൽ ഫോർ കൾച്ചറൽ റിലേഷൻസിന്റെ (ഐസിസിആർ) ഒരു എം-പാനൽഡ് ആർട്ടിസ്റ്റ് കൂടിയാണ്.
ഗിരിജ ചന്ദ്രൻ | |
|---|---|
| ജനനം | |
| ദേശീയത | ഇന്ത്യ |
| തൊഴിൽ | നർത്തകി, നൃത്ത അധ്യാപിക |
ജീവിത രേഖ
തിരുത്തുകസംസ്കൃത പണ്ഡിതനായ ആർ ശിവശങ്കരപിള്ളയുടെയും ശ്രീമതി മാലതി അമ്മാളിന്റെയും മകളായി 1951 ൽ ജനിച്ച ഗിരിജ വളരെ ചെറുപ്പത്തിൽ തന്നെ കലയിൽ താൽപര്യം കാണിക്കാൻ തുടങ്ങി.[1] പിതാവ് ആർ.എസ്. പിള്ളയാണ് ഗിരിജയിലെയും സഹോദരി ഗീതയിലെയും നർത്തകരെ കണ്ടെത്തി പ്രോത്സാഹിപ്പിച്ചത്.[2] കലയോടുള്ള സ്നേഹം വളർത്താൻ ഗ്രാമത്തിലും പരിസരത്തുമുള്ള വിവിധ നൃത്ത പരിപാടികൾക്ക് പിതാവ് അവരെ കൊണ്ടുപോകുമായിരുന്നു. കലാക്ഷേത്ര ഭാസ്കറിൽ നിന്ന് നാടോടി നൃത്തവും ഭരതനാട്യവും അഭ്യസിച്ചുകൊണ്ടാണ് അവർ നൃത്ത പഠനം തുടങ്ങുന്നത്.[3] കലാക്ഷേത്ര ഭാസ്കറിൽ നിന്ന് നൃത്തത്തിന്റെ അടിസ്ഥാനകാര്യങ്ങൾ പഠിച്ച ശേഷം, ഗിരിജ ശുചീന്ദ്രം എം‌എം പിള്ളയുടെ കീഴിൽ ഭരതനാട്യത്തിൽ പരിശീലനം നേടി.[2] വിവാഹശേഷം, ഗിരിജ ചെന്നൈയിലേക്ക് പോയി അഡയാർ കെ. ലക്ഷ്മണനിൽ നിന്ന് ഭരതനാട്യം കൂടുതലായി പഠിച്ചു. പ്രശസ്ത നർത്തകരായ ധനഞ്ജയൻമാരുടെ കീഴിലും അവർ നൃത്തം പഠിച്ചിട്ടുണ്ട്.[2] ഭരതനാട്യത്തിനു പുറമേ, പ്രശസ്ത കുച്ചിപ്പുടി ഗുരു വെമ്പടി ചിന്ന സത്യത്തിന്റെ കീഴിൽ കുച്ചുപ്പുടിയിലും ഗിരിജ പരിശീലനം നേടി.[1] നെല്ലിയോട് വാസുദേവൻ നമ്പൂതിരിയാണ് അവരുടെ കഥകളി ഗുരു.[3]
ഗിരിജ ചന്ദ്രൻ കേരള യൂണിവേഴ്സിറ്റിയിൽ നിന്ന് ഫിലോസഫിയിൽ മാസ്റ്റേഴ്സ് ഡിഗ്രി നേടിയിട്ടുണ്ട്.[3]
ശ്രദ്ധേയ നൃത്തങ്ങൾ
തിരുത്തുകഅയ്യപ്പ ചരിതം (2000), ആഞ്ജനേയ ചരിതം (2002), പൂക്കൾ (2004), പൊരുൾ (2005), കാനനം (2007), കടംകഥ (2008), മീനാക്ഷി കല്യാണം(2011), സപ്തസ്വരം (2012) എന്നിവ ഗിരിജ ചന്ദ്രന്റെ ശ്രദ്ധേയ നൃത്ത പ്രകടനങ്ങളാണ്.[3]
പുരസ്കാരങ്ങളും അംഗീകാരങ്ങളും
തിരുത്തുക- ഭരതനാട്യത്തിൽ 2011 ലെ കേരള സംഗീത നാടക അക്കാദമി പുരസ്കാരം[4]
- ഇന്ത്യയുടെ മുൻ രാഷ്ട്രപതി എപിജെ അബ്ദുൾ കലാമിൽ നിന്നും ‘ബാല ശ്രീ’ അവാർഡ്[1]
- ഇന്ത്യൻ കൗൺസിൽ ഫോർ കൾച്ചറൽ റിലേഷൻസിന്റെ (ഐസിസിആർ) ഒരു എം-പാനൽഡ് ആർട്ടിസ്റ്റ് കൂടിയാണ് അവർ[1]
- ഓൾ കേരള ഡാൻസ് ടീച്ചേറ്‌സ് ഓർഗനൈസേഷൻ ജനറൽ സെക്രട്ടറി കൂടിയാണ് ഗിരിജ ചന്ദ്രൻ[5]
റിഗാറ്റ
തിരുത്തുക1972 ൽ ഗിരിജ ചന്ദ്രൻ തിരുവനന്തപുരത്ത് ആരംഭിച്ച റിഗാറ്റ കൾച്ചറൽ സൊസൈറ്റി തുടക്കത്തിൽ സാമൂഹ്യക്ഷേമ ബോർഡ് ഗ്രാന്റിന് കീഴിൽ സ്ത്രീ ശാക്തീകരണത്തിനുള്ള ഒരു സംഘടനയായിരുന്നു.[2] സൊസൈറ്റിക്ക് കീഴിലുള്ള റിഗാറ്റ ഡാൻസ് ആൻഡ് മ്യൂസിക് സ്കൂൾ ഇപ്പോൾ ഭരതനാട്യം, കുച്ചിപ്പുടി, ശാസ്ത്രീയ സംഗീതം തുടങ്ങിയ വിവിധ കലകളിൽ വിദ്യാർത്ഥികളെ പരിശീലിപ്പിക്കുന്നു.[2] ഡാൻസ് സ്കൂളിൽ ഗിരിജയുടെ വിദ്യാർഥികളായിരുന്നവരിൽ പ്രശസ്ത നർത്തകികളായ മേതിൽ ദേവിക, ഗോപിക വർമ്മ, നീന പ്രസാദ് എന്നിവരുമുണ്ട്.[2] മോഹിനിയാട്ടത്തിലെ റിഗാറ്റയുടെ ബിരുദ, ബിരുദാനന്തര കോഴ്സുകൾ ഭാരതിദാസൻ സർവകലാശാല അംഗീകരിച്ചിട്ടുണ്ട്.[6]
അവലംബം
തിരുത്തുക- ↑ 1.0 1.1 1.2 1.3 "The silent warrior". Deccan Herald (in ഇംഗ്ലീഷ്). 23 ഫെബ്രുവരി 2020.
- ↑ 2.0 2.1 2.2 2.3 2.4 2.5 George, Liza (17 ഒക്ടോബർ 2012). "Born to teach". The Hindu (in Indian English).
- ↑ 3.0 3.1 3.2 3.3 Sankar, Dr Achuth; Sankar, Adithya (2021). VANCHIYOOR VIGNETTES: Local History of a Bygone Village (in ഇംഗ്ലീഷ്). Adithya Sankar. ISBN 978-93-5426-581-5.
- ↑ "നൃത്തം, അവാർഡുകൾ, കേരള സംഗീത നാടക അക്കാഡമി". www.keralaculture.org.
- ↑ "നൃത്ത സംഗീത അദ്ധ്യാപകരെ സർക്കാർ ആത്മഹത്യയിലേക്ക് തള്ളിവിടുന്നു : നൃത്താധ്യാപിക റിഗാറ്റ ഗിരിജ ചന്ദ്രൻ - Media Mangalam". Dailyhunt (in ഇംഗ്ലീഷ്).
- ↑ "Training Centres of Kerala". www.keralatourism.org.