1884-ൽ കോഴിക്കോടുനിന്ന് പ്രസിദ്ധീകരണം ആരംഭിച്ച മലയാള പത്രമാണ് കേരളപത്രിക.[1] ആഴ്ചയിൽ ഒന്ന് വീതമാണ് ഇത് പ്രസിദ്ധീകരിച്ചിരുന്നത്. ചെങ്കളത്ത് 'വലിയ'[2] കുഞ്ഞിരാമ മേനോനായിരുന്നു പത്രത്തിന്റെ പത്രാധിപരും ഉടമയും. വായനക്കാരിൽ ദേശീയ അവബോധം വളർത്തുന്നതിന് പത്രാധിപർ വളരെ പ്രാധാന്യം നൽകിയിരുന്നു. കൽകത്തയിലെ "അമൂതബസാർ പത്രിക" എന്ന പത്രത്തിൽനിന്ന് പ്രചോദനമുൾക്കൊണ്ടാണ് കുഞ്ഞിരാമ മേനോൻ കേരളപത്രിക ആരംഭിക്കുന്നത്.

കേരളപത്രിക
തരംവൃത്താന്ത പത്രം
ഉടമസ്ഥ(ർ)ചെങ്കളത്ത് കുഞ്ഞിരാമ മേനോൻ
എഡിറ്റർ-ഇൻ-ചീഫ്ചെങ്കളത്ത് കുഞ്ഞിരാമ മേനോൻ
സ്ഥാപിതം1884
ഭാഷമലയാളം
ആസ്ഥാനംകോഴിക്കോട്

ചരിത്രംതിരുത്തുക

1884 ഒക്‌ടോബർ 19 ന് ആണ് കേരളപത്രിക ആദ്യലക്കം പുറത്തിറങ്ങിയത്.[3] 1930-ൽ താൽക്കാലികമായി പത്രത്തിന്റെ പ്രവർത്തനം നിലച്ചു, 1938 മുതൽ വീണ്ടും പ്രവർത്തിച്ചുതുടങ്ങി. സ്വാതന്ത്ര്യാനന്തരം എറണാകുളത്തേക്ക് ആസ്ഥാനം മാറ്റി സ്ഥാപിക്കുകയും പിന്നീട് പത്രം നിന്നുപോവുകയും ചെയ്തു.[4]

കേസരി കുഞ്ഞിരാമൻ നായനാർ, ഒ. ചന്തുമേനോൻ, അപ്പു നെടുങ്ങാടി, കിഴക്കേപാട്ട് രാമൻ മേനോൻ തുടങ്ങിയവർ കേരളപത്രികയുടെ ആദ്യ ലക്കങ്ങളിൽ ലേഖനങ്ങൾ എഴുതിയിട്ടുണ്ട്.[2] ഹാസ്യസാഹിത്യകാരൻ സഞ്ജയൻ കേരളപത്രികയിൽ ജോലിചെയ്തിട്ടുണ്ട്.[2]

അവലംബംതിരുത്തുക

  1. http://www.dutchinkerala.com/englishrules.php?id=16
  2. 2.0 2.1 2.2 കണ്ണൂർ, എ ആർ ജിതേന്ദ്രൻ, പൊതുവാച്ചേരി. "മലയാള പത്രപ്രവർത്തനത്തിന്റെ പിതാവ് ഇദ്ദേഹമാണ്". Mathrubhumi (ഭാഷ: ഇംഗ്ലീഷ്).
  3. "മലയാള പത്രപിതാവായി ഒരു കോഴിക്കോട്ടുകാരൻ".
  4. http://www.prd.kerala.gov.in/historyofpress.htm
"https://ml.wikipedia.org/w/index.php?title=കേരളപത്രിക&oldid=3608395" എന്ന താളിൽനിന്ന് ശേഖരിച്ചത്