കെ.സി. പിള്ള
മുതിർന്ന കമ്മ്യൂണിസ്റ്റ് നേതാവും സി.പി.ഐ.യുടെ സംസ്ഥാന അസിസ്റ്റൻറ് സെക്രട്ടറിയുമായിരുന്നു[1] കെ.സി. പിള്ള[2]. ചവറ തേവലക്കര പുത്തൻസങ്കേതം കാരിച്ചൽവീട്ടിൽ കൃഷ്ണപിള്ളയുടെയും പദ്മാവതിയമ്മയുടെയും മകനാണ് കെ.സി. പിള്ള, പദ്മാവതിയമ്മയാണ് ഭാര്യ. പ്രമുഖ വ്യവസായിയായ ബി. രവിപ്പിള്ള ഇദ്ദേഹത്തിന്റെ അനന്തരവനാണ്. അയ്യൻകോയിക്കൽ സർക്കാർ യു.പി.എസ്., ചവറ സർക്കാർ ഹൈസ്കൂൾ എന്നിവിടങ്ങളിലായിരുന്നു കെ.സി. പിള്ള വിദ്യാഭ്യാസ ചെയ്തിരുന്നത്[2]. വിദ്യാർത്ഥിയായിരിക്കുമ്പോൾത്തന്നെ രാഷ്ട്രീയ രംഗത്തെത്തിയ കെ.സി.പിള്ള കർഷകത്തൊഴിലാളികളെയും കയർത്തൊഴിലാളികളേയും സംഘടിപ്പിച്ചുകൊണ്ടാണ് രാഷ്ടീയത്തിൽ ചുവടുറപ്പിക്കുന്നത്[3]. വിമോചനസമരക്കാലത്താണ് ഇദ്ദേഹം പാർട്ടിയുടെ നേതൃനിരയിലേക്കുയർന്ന് വന്നത്. സി.പി.ഐ. സംസ്ഥാന അസിസ്റ്റന്റ് സെക്രട്ടറി, സി.പി.ഐ.സംസ്ഥാന കൺട്രോൾ കമ്മീഷൻ ചെയർമാൻ, കൊല്ലം ജില്ലാ സെക്രട്ടറി, എൽ.ഡി.എഫ്. കൊല്ലം ജില്ലാ കൺവീനർ, എന്നീ നിലകളിൽ പ്രവർത്തിച്ച് ഇദ്ദേഹം ദീർഘകാലം കരുനാഗപ്പള്ളി താലൂക്ക് സെക്രട്ടറിയുമായിരുന്നു.
കെ.സി. പിള്ള | |
---|---|
![]() കെ.സി. പിള്ള | |
മരണം | 2011 ഡിസംബർ 19 |
ദേശീയത | ![]() |
തൊഴിൽ | പൊതുപ്രവർത്തകൻ |
അറിയപ്പെടുന്നത് | സി.പി.ഐ.യുടെ സംസ്ഥാന അസിസ്റ്റൻറ് സെക്രട്ടറി |
ഉദരസംബന്ധമായ അസുഖത്തേതുടർന്ന് 2011 ഡിസംബർ 19ന് എറണാകുളത്തേ ലേക്ഷോർ ആശുപത്രിയിൽ വച്ച് അന്തരിച്ചു[4].
അവലംബം
തിരുത്തുക- ↑ "സിപിഐ നേതാവ് കെ.സി.പിള്ള അന്തരിച്ചു". ദീപിക. Archived from the original on 2016-03-04. Retrieved 2011-12-20.
- ↑ 2.0 2.1 "സി.പി.ഐ.നേതാവ് കെ.സി.പിള്ള അന്തരിച്ചു". മാതൃഭൂമി. Archived from the original on 2011-12-20. Retrieved 2011-12-20.
- ↑ "കെ സി പിള്ളയുടെ നിര്യാണം കമ്മ്യൂണിസ്റ്റ് പാർട്ടിക്ക് തീരാനഷ്ടം: സി കെ ചന്ദ്രപ്പൻ". ജനയുഗം.[പ്രവർത്തിക്കാത്ത കണ്ണി]
- ↑ http://www.newzstreet.tv/ns/node/66230[പ്രവർത്തിക്കാത്ത കണ്ണി]