കുഞ്ഞാലിമരക്കാർ സ്മാരകം, ഇരിങ്ങൽ

കോഴിക്കോട് ജില്ലയിലെ വടകരയ്ക്കടുത്ത് കൊയിലാണ്ടി താലൂക്കിലെ ഇരിങ്ങലിൽ സംസ്ഥാന പുരാവസ്തു വകുപ്പിന്റെ അധീനതയിലുള്ള സ്മാരകമാണ് ഇരിങ്ങൽ കുഞ്ഞാലിമരക്കാർ സ്മാരകം . സാമൂതിരിയുടെ നാവികസേനയുടെ നായകരായിരുന്ന കുഞ്ഞാലിമരയ്ക്കാരുടെ സ്മരണ നിലനിർത്തുന്നതിനായിട്ടാണ് ഇത് സ്ഥാപിച്ചത്. ഒരു പുരാതന ഭവനത്തിന്റെ ചെറിയ ഭാഗമാണിത്. ഒരു തളവും, മൂന്ന് മുറികളും, വരാന്തയും അടങ്ങുന്നതാണ് ഈ കെട്ടിടം. കുഞ്ഞാലിമരയ്ക്കാരുമായി ബന്ധപ്പെട്ടതായി അവശേഷിക്കുന്ന ഏക ഭവന ഭാഗമാണിത്.

കുഞ്ഞാലിമരക്കാർ സ്മാരകം, ഇരിങ്ങൽ

സ്മാരകത്തോട് ചേർന്ന് ഒരു മ്യൂസിയമുണ്ട്. അക്കാലത്ത് ഉപയോഗിച്ചിരുന്ന വാളുകൾ, പീരങ്കി ഉണ്ടകൾ, നന്നങ്ങാടികൾ, നാണയങ്ങൾ തുടങ്ങി ഒട്ടേറെ പുരാവസ്തുക്കൾ ഈ മ്യൂസിയത്തിൽ പ്രദർശിപ്പിരിക്കുന്നു. ഈ സ്മാരകത്തിന് വളരെയടുത്താണ് സംരക്ഷിത സ്മാരകമായ കോട്ടക്കൽ വലിയ ജുമാഅത്ത് പള്ളി. തനത് കേരളീയ വാസ്തുശിൽപ ശൈലിയിലുള്ള പള്ളിക്കെട്ടിടത്തിൽ കുഞ്ഞാലി മരയ്ക്കാർ പോർട്ടുഗീസുകാരിൽനിന്നും പിടിച്ചെടുത്ത വാളും, സിംഹാസനത്തിന്റെ ഭാഗവും, പീരങ്കി ഉണ്ടകളുമെല്ലാം സൂക്ഷിച്ചിരിക്കുന്നു.

ചിത്രശാല

• 
  കുഞ്ഞാലിമരക്കാർ സ്മാരകത്തിലെ ലിഖിതങ്ങൾ
• 
  കുഞ്ഞാലിമരക്കാർ ഉപയോഗിച്ചിരുന്ന വാൾ
• 
  നേവി സ്ഥാപിച്ച സ്മാരകം