കിർത്താഡ്സ്

കേരളത്തിലെ പട്ടിക ജാതി പട്ടിക വർഗ്ഗ ക്ഷേമ വകുപ്പിനു കീഴിൽ പ്രവർത്തിക്കുന്ന പഠന ​ഗവേഷണ പരിശീലന കേന്ദ്രമാണ് കിർത്താഡ്സ് മ്യൂസിയം (Kerala Institute for Research Training and Development Studies of Scheduled Castes and Scheduled Tribes). കോഴിക്കോട് ചേവായൂരിൽ സ്ഥിതി ചെയ്യുന്നു. ഗോത്രവർഗ വിഭാ​ഗങ്ങളുടെ പുരോ​ഗതി ലക്ഷ്യമിട്ടാണ് 1972-ൽ കിർത്താഡ്സ് സ്ഥാപിതമായത്.

പട്ടിക ജാതി പട്ടിക വർഗ്ഗ ക്ഷേമത്തിനായുള്ള ഗവേഷണ പ്രവർത്തനങ്ങൾ സംഘടിപ്പിക്കുകയാണു ഈ സ്ഥാപനത്തിന്റെ ലക്ഷ്യം. 1970-ൽ ഒരു ദേശീയ പാറ്റേണിൽ ഒരു ട്രൈബൽ റിസർച്ച് ആൻഡ് ട്രെയിനിംഗ് സെന്റർ (TR & TC) ആയി സ്ഥാപിതമായ സ്ഥാപനം പിന്നീട് 1979-ൽ കിർത്താഡ്സ് ആയി പുനഃസംഘടിപ്പിക്കപ്പെടുകയായിരുന്നു. കിർത്താഡ്സ് ഒരു മ്യൂസിയവും ഓപ്പൺ എയർ തീയ്യറ്ററും ഉണ്ട്. ഇതിനോടു ചേർന്നുളള ​ഗോത്രപഠന മ്യൂസിയത്തിൽ പുരാതനകാലത്ത് കേരളത്തിലെ ​ഗോത്രവർ​ഗം ഉപയോ​ഗിച്ചിരുന്ന ആയുധങ്ങളും ഉപകരണങ്ങളും നരവംശ ശാസ്ത്രത്തിലും സാമൂഹികശാസ്ത്രത്തിലുമുളള പുസ്തകങ്ങളുടെ വലിയൊരു ശേഖരവും മറ്റു വസ്തുക്കളും പ്രദർശിപ്പിച്ചിട്ടുണ്ട്.