കാൾ വിൻസൺ വിമാനവാഹിനിക്കപ്പൽ

അമേരിക്കൻ നേവിയുടെ നിമിറ്റ്‌സ് ക്ലാസ് വിമാനവാഹിനിക്കപ്പലുകളുടെ ശൃംഖലയിൽ മൂന്നാമത്തെ സൂപ്പർ കാരിയറാണ് യു.എസ്.എസ്. കാൾ വിൻസൺ (സി.വി.എൻ-70).

Career (United States)
Name:	USS Carl Vinson
Namesake:	Carl Vinson
Ordered:	5 April 1974
Builder:	Newport News Shipbuilding
Laid down:	11 October 1975
Launched:	15 March 1980
Commissioned:	13 March 1982
Homeport:	NAS North Island San Diego, California
Motto:	Vis Per Mare (Strength from the Sea)
Nickname:	Starship Vinson, The Battlestar, The Gold Eagle, San Francisco's Own, America's Favorite Carrier, Chuckie V, U.S.S. Chuck Wagon, The Carl Prison, Cell Block 70
Status:	in active service, as of 2024
Badge:
General characteristics
Class and type:	Nimitz-class aircraft carrier
Displacement:	101,300 long tons (113,500 short tons)

ജോർജ്ജിയ സംസ്ഥാനത്തു നിന്നുള്ള കോൺഗ്രസ് അംഗം കാൾ വിൻസൺറെ പേരാണ് ഈ കപ്പലിനു നൽകിയിരിക്കുന്നത്.

1983-ൽ കന്നിയാത്ര പുറപ്പെട്ട കാൾ വിൻസന്റെ കോൾ സൈൻ ഗോൾഡ് ഈഗിൾ ആണ്.

കടലിൽ ഇറക്കുമ്പോൾ 70,000 ലോങ്ങ് ടണ്ണോ അതിലധികമോ സ്ഥാനഭ്രംശ ടണ്ണേജ് ഉള്ള കപ്പലുകളെയാണ് അനൗദ്യോഗികമായെങ്കിലും സൂപ്പർ കാരിയർ എന്നു വിശേഷിപ്പിക്കുന്നത്. (ഒരു ലോങ്ങ് ടൺ = 1,016 kg).

ലോകത്തിലെ ഏറ്റവും വലിയ വിമാനവാഹിനിക്കപ്പലുകളിലൊന്നായ യു.എസ്.എസ്. കാൾവിൻസൺ ആണവ യുദ്ധക്കപ്പലിൽ 5000-ത്തിലധികം നാവികർ സേവനമനുഷ്ഠിക്കുന്നു. 70 യുദ്ധ വിമാനങ്ങളും, ഹെലികോപ്റ്ററുകളും നിർത്തിയിടാൻ സൗകര്യമുള്ള ഈ കപ്പലിൽ രണ്ട് ന്യൂക്ലിയർ റിയാക്ടറുകളുണ്ട്.

1996-ൽ കുർദിഷ് സിവിൽ വാർ കൊടുമ്പിരിക്കൊണ്ട സമയത്ത് ദക്ഷിണ ഇറാഖിലെ സൈനിക താവളങ്ങൾക്കു നേരേ അമേരിക്ക നടത്തിയ ക്രൂയിസ് മിസൈൽ ആക്രമണങ്ങൾക്ക് ചുക്കാൻ പിടിച്ചത് യു.എസ്.എസ്. കാൾ വിൻസൺ വിമാനവാഹിനിക്കപ്പലായിരുന്നു.

2011 മെയ് 2-ാം തിയതി ഉസാമ ബിൻ ലാദന്റെ മൃതശരീരം അറബിക്കടലിൽ സംസ്‌കരിക്കാനായി അമേരിക്ക ഉപയോഗിച്ച കപ്പലും യു.എസ്.എസ്. കാൾ വിൻസൺ തന്നെ.

പാകിസ്താനിലെ അബോട്ടാബാദിൽ അമേരിക്കൻ നേവിയുടെ സീൽ കമാണ്ടോകളുടെ ആക്രമണത്തിൽ കൊല്ലപ്പെട്ട ബിൻ ലാദന്റെ മൃതദേഹം 2011 മെയ് 2-ാം തിയതി വടക്കേ അറബിക്കടലിൽ സംസ്‌കരിച്ച ശേഷം അമേരിക്കയിലേക്കു തിരിച്ചു പോയ യു.എസ്.എസ്. കാൾ വിൻസൺ വിമാനവാഹിനിക്കപ്പൽ 2011 ജൂൺ 15-ാം തിയതി സാന്റിയാഗോ തുറമുഖത്തെത്തിച്ചേർന്നു.

ബംഗാൾ ഉൾക്കടലിൽ വച്ചു നടന്ന 15-ാമത്തെ ഇന്തോ - അമേരിക്കൻ സംയുക്ത നാവികാഭ്യാസം മലബാർ - 2012-ൽ പങ്കെടുക്കാനായി 2012 ജൂൺ 5-ാം തിയതി യു.എസ്.എസ്. കാൾ വിൻസൺ വിമാനവാഹിനിക്കപ്പൽ ചെന്നൈയിലെത്തി.