കാരക്കാട്, പാലക്കാട്
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
പാലക്കാട് ജില്ലയിലെ ഓങ്ങല്ലൂർ പഞ്ചായത്തിലെ ഒരു ഗ്രാമമമാണ് കാരക്കാട്. പട്ടാമ്പി ഷൊർണൂർ റോഡിൽ ഓങ്ങല്ലൂർ ജങ്ഷനിൽ നിന്നും മൂന്ന് കിലോമീറ്റർ ദൂരത്താണീഗ്രാമം. ഷൊർണ്ണൂർ റെയിൽവേ സ്റ്റേഷനും പട്ടാമ്പി റെയിൽവേ സ്റ്റേഷനും ഇടയിലാണ് കാരക്കാട് റെയിൽവേ സ്റ്റേഷൻ നിലനിൽക്കുന്നത് [1] ഒരു യു.പി. സ്കൂൾ, ഒരു റെയിൽവേ സ്റ്റേഷൻ ഒരു ഗവൺമെന്റ് ഹോമിയോ ഡിസ്പെൻസറി എന്നിവ ഈ ഗ്രാമത്തിൽ ഉണ്ട്. 90% ആളുകൾ മുസ്ലീങ്ങൾ ആണ് ഏകദേശം 600 വർഷം പഴക്കമുള്ളതാണ് ഇവിടത്തെ മുസ്ലിം പള്ളിയെന്ന് കാരണവൻമാര് പറയുന്നത് [അവലംബം ആവശ്യമാണ്] കൃഷിയാണു പ്രധാന ജീവിത മാർഗം. ഗൾഫ് രാജ്യങ്ങളിൽ ജോലി ചെയ്യുന്നവരിൽ നിന്നു കിട്ടുന്ന വരുമാനവും പ്രധാനം തന്നെ. ഭാരതപ്പുഴയുടെ (നിളനദി)തീരത്താണ് ഈ ഗ്രാമം. ഈ ഗ്രാമത്തിൻറെ തെക്ക് ഭാഗം ഭാരതപ്പുഴയും കിഴക്ക് വാടനാംകുറുശ്ശിയും പടിഞ്ഞാറ് ഭാഗം കിഴായൂരും വടക്ക് കള്ളാടിപ്പറ്റയും അതിരിടുന്നു. ആദ്യകാലങ്ങളിൽ കൃഷി ഗൾഫ് മുതലായവയായിരുന്നു ഈ ഗ്രാമവാസികളുടെ മുഖ്യ വരുമാനം. എന്നാൽ രണ്ടായിരാമാണ്ടോടെ വലിയൊരു വിഭാഗം ഗ്രാമവാസികൾ ആക്രിക്കച്ചവടത്തിലേക്ക് തിരിഞ്ഞു. ഇത് ഗ്രാമീണരുടെ സാമ്പത്തിക വരുമാനത്തിൽ വലിയ വർദ്ധനയുണ്ടാക്കിയെങ്കിലും അതോടൊപ്പം കേരളത്തിന്റെ നാനാഭാഗങ്ങളിൽ നിന്നും സർവ്വമവിധ അപകടകരങ്ങളായ മാലിന്യങ്ങളും ഈ ഗ്രാമത്തിലേക്ക് ശേഖരിക്കപ്പെടുകയും വിലകിട്ടുന്നവകഴിച്ച് വലിയൊരുഭാഗം ഗ്രാമത്തിലെ പാടങ്ങളിലും തോടുകളിലും പുഴയിലുമൊക്കെ ഉപേക്ഷിച്ചതിന്റെ ഫലമായി വലിയ പാരിസ്ഥിതികപ്രശ്നം ഉദ്ഭവിക്കുകയുമുണ്ടായി. രണ്ടായിരത്തിപ്പതിനേഴിലെ കാലവർഷാരംഭത്തിൽ പടർന്നു പിടിച്ച നാലുപേരുടെ മരണത്തിനിടയാക്കിയ ഡെങ്കിപ്പനി ഈ പശ്ചാത്തലത്തിൽ വലയ വിവാദമായിരുന്നു.
അവലംബം
തിരുത്തുക- ↑ "ഷൊറണൂർ-കാരക്കാട് പാതയിൽ വേഗപരിശോധന നാളെ". മാതൃഭൂമി. 14 മാർച്ച് 2012. Archived from the original on 2013-03-15. Retrieved 28 മാർച്ച് 2013.
- ↑ "കാരക്കാട് കോളനി സ്വയംപര്യാപ്‌തമാകുന്നു". മംഗളം. 28 നവംബർ 2012. Retrieved 28 മാർച്ച് 2013.