കല്ലടക്കൊമ്പൻ

ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

കാസർഗോഡ് പെരിയയിൽ നിന്നും കണ്ടെത്തിയ ഒരു ചെറുസസ്യമാണ് കല്ലടക്കൊമ്പൻ. (ശാസ്ത്രീയനാമം: Brachystelma vartakii). കേരളത്തിൽ നിന്നും Brachystelma ജനുസിൽ കണ്ടെത്തിയ രണ്ടാമത്തെ ഇനമാണിത്. അഞ്ചു സെന്റിമീറ്റർ നീളമുള്ള ഈ ചെടിയുടെ പൂക്കൾക്ക് റോസ്, പിങ്ക് നിറമാണ്. അഞ്ചിതളാണ് പൂക്കൾക്ക് ഉള്ളത്. മെയ് മാസത്തിൽ പുഷ്പിക്കുന്ന ഈ ചെടിയിൽ ജൂൺ-ആഗസ്ത് മാസത്തിൽ കായയുണ്ടാവും. വേരിൽ ഉരുളക്കിഴങ്ങുപോലെയുണ്ടാവുന്ന കിഴങ്ങ് ഭക്ഷ്യയോഗ്യമാണ്. ഏപ്രിൽ മാസത്തോടെ ചെങ്കൽപ്പാറയിലെ മറ്റു പുൽവർഗ്ഗങ്ങൾ വാടിക്കഴിയുമ്പോഴാണ് ഈ ചെടി തളിർക്കുന്നത്.

കല്ലടക്കൊമ്പൻ
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Gentianales
Family:	Apocynaceae
Subfamily:	Asclepiadoideae
Genus:	Brachystelma
Species:	B. vartakii
Binomial name
Brachystelma vartakii Kambale & S. R. Yadav

ലണ്ടനിൽനിന്നുള്ള പ്രസിദ്ധീകരണമായ ക്യൂ ബൊട്ടാണിക്കൽ ഗാർഡന്റെ ജേർണലിൽ ഇതു സംബന്ധിച്ച ലേഖനം പ്രസിദ്ധീകരിയ്ക്കപ്പെട്ടിട്ടുണ്ട്. മഹാരാഷ്ട്ര കൊലാപ്പൂർ ശിവാജി സർവകലാശാലയിലെ എസ്.ആർ.യാദവ്, ശരദ് എസ്.കമ്പളെ എന്നിവരാണ് പെരിയയിലെ ചെങ്കൽപ്പാറയിൽനിന്ന് ഇവ കണ്ടെത്തിയത്. പുണെ റിസർച്ച് ഇൻസ്റ്റിറ്റ്യൂട്ടിലെ പ്രസിദ്ധ സസ്യശാസ്ത്രജ്ഞൻ ഡോ.വി.ഡി. വാർട്ടക്കിന്റെ പേരിൽ ഈ സസ്യം അറിയപ്പെടുന്നു. കേരളത്തിൽനിന്ന് കണ്ടെത്തിയ ബ്രാക്കി സ്റ്റെൽമ വിഭാഗത്തിൽപ്പെടുന്ന രണ്ടാമത്തെ ഇനമാണിത്.

പുറത്തേക്കുള്ള കണ്ണികൾ

• http://timesofindia.indiatimes.com/home/environment/flora-fauna/Shivaji-University-researchers-discover-4-plant-species-in-Western-Ghats/articleshow/35859702.cms