കരിപ്പോട് തറ

കേരളത്തിലെ പാലക്കാട്‌ ജില്ലയിൽ കൊല്ലങ്കോടിനടുത്ത് സ്ഥിതിചെയ്യുന്ന ഒരു ഗ്രാമമാണ് കരിപ്പോട് തറ. ഈ ഗ്രാമം മുറുക്ക് ഗ്രാമം എന്ന് അറിയപ്പെടുന്നു. കേരളത്തിലെ വിവിധ പ്രദേശങ്ങളിലേക്ക് വില്പനക്കായി വലിയതോതിൽ ഈ ഗ്രാമത്തിലെ വീടുകളിൽ മുറുക്ക് ഉണ്ടാക്കുന്നതുകൊണ്ടാണ് മുറുക്ക് ഗ്രാമം എന്നറിയപ്പെടുന്നത്. തമിഴ്നാട്ടിലെ കങ്കായം, കാരൂർ എന്നീ ദേശങ്ങളിൽ നിന്ന് കുടിയേറിപ്പാർത്തവരാണ് ഇവിടുത്തെ ജനങ്ങൾ. ഇവിടെ സ്ഥിതിചെയ്യുന്ന ഒരു ക്ഷേത്രമാണ് ശ്രീ ഭാരദേവദ ക്ഷേത്രം. ഇവിടെ എല്ലാ വർഷവും വേല ആഘോഷിച്ചു വരുന്നു. തട്ടിന്മേൽ കുത്തും കണ്യാർകളിയുമാണ് ഇവിടത്തെ പ്രധാനപെട്ട കലാരൂപം.