കടലക്കറി

കടല പ്രധാന ചേരുവയായി ഉപയോഗിച്ചുണ്ടാക്കുന്ന ഒരിനം കറിയാണ് കടലക്കറി. പുട്ട്, അപ്പം, ചപ്പാത്തി എന്നിവയുടെ കൂടെയാണ് കൂടുതലായി ഈ കറി ഉപയോഗിക്കുന്നത്.

കടലക്കറി അടുപ്പിൽ

പുട്ടും കടലക്കറിയും

ചേരുവകൾ

1. കടല
2. സവാള
3. വെളുത്തുള്ളി
4. ഇഞ്ചി
5. തക്കാളിപ്പഴം
6. തേങ്ങ
7. മുളകുപൊടി
8. മല്ലിപ്പൊടി
9. മഞ്ഞൾപ്പൊടി
10. മസാല
11. ഉപ്പ്
12. കടുക് വറക്കാൻ ആവശ്യമായ സാധങ്ങൾ

തയ്യാറാക്കുന്ന വിധം

ആദ്യം തേങ്ങാ ചിരകിയത് വറുത്തെടുക്കണം, അതിനായി ചീനചട്ടിയിൽ തേങ്ങാ ചിരകിയത് ,മഞ്ഞ പൊടി, മുളക് പൊടി , മല്ലി പൊടി എന്നിവ വറുത്തെടുക്കുക . വറുത്തു വെച്ച തേങ്ങാ കൂട്ട് അരച്ചെടുക്കുക .കടല കുക്കറിൽ വേവിച്ചു വെക്കുക. ചീനചട്ടിയിൽ വെളിച്ചെണ്ണ ഒഴിച്ചു കടുക് , കറിവേപ്പില താളിച്ച്‌ സവാള, പച്ചമുളക് ,വെളുത്തുള്ളി , ഇഞ്ചി എന്നിവ ചേർത്ത് വഴറ്റി വറുത്തരച്ച തേങ്ങാ കൂട്ട് ചേർത്ത് യോജിപ്പിക്കുക . അതൊന്നു തിളച്ചു വരുമ്പോൾ വേവിച്ച കടല ആവശ്യത്തിനു മസാല , ഉപ്പു ചേർത്ത് യോജിപ്പിച്ച് തിളച്ചു വരുമ്പോൾ ഇറക്കി വെക്കാം .