ഓബ് പീഠഭൂമി
ഓബ് പീഠഭൂമി (Russian: Приобское плато, Priobskoye Plato) സൈബീരിയയിലെ ഏറ്റവും വലിയ പീഠഭൂമികളിലൊന്നാണ്. ഭരണപരമായി ഇത് റഷ്യയിലെ സൈബീരിയൻ ഫെഡറൽ ജില്ലയിലെ അൽതായ് ക്രായ്, നോവോസിബിർസ്ക് ഒബ്ലാസ്റ്റുകളിൽ ഉൾപ്പെടുന്നു. ഓബ് നദിയുടെ പേരിൽ അറിയപ്പെടുന്ന ഇത് അതിൻ്റെ തടത്തിൻ്റെ ഭാഗമാണ്.[2][3]
| ഓബ് പീഠഭൂമി | |
|---|---|
| Приобское плато | |
 NASA satellite image showing the straight and parallel ravines of glacial origin | |
| ഉയരം കൂടിയ പർവതം | |
| Peak | Unnamed |
| Elevation | 321 മീ (1,053 അടി) [1] |
| ഭൂമിശാസ്ത്രപരമായ പ്രത്യേകതകൾ | |
  | |
| Country | Russia |
| Range coordinates | 53°30′N 81°0′E / 53.500°N 81.000°E |
| Parent range | West Siberian Plain |
| ഭൂവിജ്ഞാനീയം | |
| Age of rock | Quaternary |
| Type of rock | Loess-like loam, sand |
കാർഷിക മേഖലയായി വികസിപ്പിച്ചെടുത്ത പീഠഭൂമിയുടെ ഭൂരിഭാഗം പ്രദേശങ്ങളിലും ധാന്യവിളകളും വ്യാവസായിക വിളകളും കൃഷി ചെയ്യുന്നു. സോവിയറ്റ് യൂണിയൻ്റെ കാലത്ത് നിർമ്മിച്ച കുളുന്ദ പ്രധാന കനാൽ, പീഠഭൂമിക്ക് കുറുകെ ഏകദേശം തെക്ക് പടിഞ്ഞാറ്/വടക്കുകിഴക്ക് ദിശയിലൂടെ ഒഴുകുന്നു.[4][5]
ഭൂമിശാസ്ത്രം
തിരുത്തുകപടിഞ്ഞാറൻ സൈബീരിയൻ സമതലത്തിൻ്റെ തെക്കേയറ്റത്തുള്ള അൽതായ് ക്രായിലും നോവോസിബിർസ്ക് ഒബ്ലാസ്റ്റിലുമായാണ് ഓബ് പീഠഭൂമി സ്ഥിതി ചെയ്യുന്നത്. വടക്കോട്ടൊഴുകുന്ന ഓബ് നദിയുടെ ഇടത് കരയിലൂടെ അൽതായ് പർവതനിരകളുടെ താഴ്‌വരയുടെ വടക്കു ഭാഗത്തേക്ക് ഇത് വ്യാപിച്ചുകിടക്കുന്നു. പടിഞ്ഞാറൻ ദിശയിൽ അത് ക്രമേണ കുളുന്ദ സമതലത്തിലേക്ക് ഇറങ്ങുന്നു.[6][7]
ഉപരിതലത്തിൻ്റെ ശരാശരി ഉയരം 250 മീറ്ററിനും (820 അടി) 260 മീറ്ററിനും (850 അടി) ഇടയിലുള്ള ഓബ് പീഠഭൂമിയുടെ പരമാവധി ഉയരം പേരിടാത്ത ഒരു കൊടുമുടിയിൽ 321 മീറ്ററിൽ (1,053 അടി) എത്തുന്നു. ഓബ് നദിയിലേക്ക് ചരിഞ്ഞുകിടക്കുന്ന ഹിമാനിയുഗത്തിലെ വിശാലമായ മലയിടുക്കുകളാൽ പീഠഭൂമി കോണോടുകോണായി വിഭജിക്കപ്പെടുന്നു. അവ ഏകദേശം 10 കിലോമീറ്റർ (6.2 മൈൽ) വീതിയും 40 മീറ്റർ (130 അടി) മുതൽ 100 മീറ്റർ (330 അടി) വരെ ആഴവുമുള്ളവയും ഏകദേശം വടക്കുകിഴക്ക് മുതൽ തെക്കുപടിഞ്ഞാറൻ ദിശയിൽ പരസ്പരം സമാന്തരമായി നീളുന്നതുമാണ്. പീഠഭൂമിയിലെ തുറസ്സായ സ്റ്റെപ്പി ഇടങ്ങളിൽ കൂടുതലായും കറുത്ത നിറമുള്ള ചെർനോസെം മണ്ണ് അടങ്ങിയിരിക്കുന്നു.[8][9][10]
ഹൈഡ്രോഗ്രാഫി
തിരുത്തുകപീഠഭൂമിയിലെ പ്രധാന നദികളിൽ അലേ, ബർനൗൽക്ക, കുളുന്ദ, ബുർള, കരാസുക്, ബഗാൻ, കസ്മല എന്നിവ ഉൾപ്പെടുന്നു. ഗ്ലേഷ്യൽ കിടങ്ങുകൾക്കുള്ളിൽ ഗോർക്കോയ് (ചെർനോകുറിൻസ്‌കോയ്), ഗോർക്കോയ് (നോവിചിക്കിൻസ്‌കി ഡിസ്ട്രിക്റ്റ്), ഗോർക്കോയ് (ട്യൂമെൻസെവ്‌സ്‌കി ഡിസ്ട്രിക്റ്റ്), ബഖ്മതോവ്‌സ്‌കോയ്, ഗോർക്കോയ്-പെരെഷെയെച്ച്‌നോയ് എന്നിങ്ങനെ നിരവധി ഉപ്പ് തടാകങ്ങളുണ്ട്.
സസ്യജാലങ്ങൾ
തിരുത്തുകമലയിടുക്കുകളിൽ ബിർച്ച് കൊണ്ട് സമ്പന്നമായ വനങ്ങളും ഉയർന്ന പ്രദേശങ്ങളിൽ കോണിഫറസ് ടൈഗയുടെ അവശിഷ്ടങ്ങളും ഉണ്ട്. പീഠഭൂമിക്ക് കുറുകെയുള്ള നദീതടങ്ങളിൽ തണ്ണീർത്തടങ്ങളും തടാകങ്ങളും സാധാരണമാണ്.[11]
അവലംബം
തിരുത്തുക- ↑ Алтайский край, Географическое положение - К.В. Григоричевым
- ↑ Google Earth
- ↑ Geographical position, geological structure and surface topography of the south of Western Siberia (in Russian)
- ↑ Приобское плато; Great Soviet Encyclopedia in 30 vols. — Ch. ed. A.M. Prokhorov. - 3rd ed. - M. Soviet Encyclopedia, 1969-1978. (in Russian)
- ↑ Kulunda Canal — Altaiskaya Pravda
- ↑ Google Earth
- ↑ Geographical position, geological structure and surface topography of the south of Western Siberia (in Russian)
- ↑ Приобское плато; Great Soviet Encyclopedia in 30 vols. — Ch. ed. A.M. Prokhorov. - 3rd ed. - M. Soviet Encyclopedia, 1969-1978. (in Russian)
- ↑ "M-44 Topographic Chart (in Russian)". Retrieved 2 July 2022.
- ↑ "N-44 Topographic Chart (in Russian)". Retrieved 2 July 2022.
- ↑ Приобское плато; Great Soviet Encyclopedia in 30 vols. — Ch. ed. A.M. Prokhorov. - 3rd ed. - M. Soviet Encyclopedia, 1969-1978. (in Russian)
