ഓപ്പറേഷൻ കുബേര

2014-ൽ കേരളത്തിന്റെ ആഭ്യന്തരമന്ത്രി രമേശ് ചെന്നിത്തലയുടെ തീരുമാനത്തിൽ സംസ്ഥാന വ്യാപകമായി നടപ്പാക്കിയ ഒരു നിയമനടപടിയാണ് ഓപ്പറേഷൻ കുബേര എന്നറിയപ്പെടുന്നത്. റിസർവ് ബാങ്ക് അനുവദിച്ചിരിക്കുന്നതിലും ഉയർന്ന പലിശയ്ക്ക് പണം കടമായി നൽകുകയും അവ ഈടാക്കാൻ വളഞ്ഞവഴികൾ സ്വീകരിക്കുകയും ചെയ്തവർക്കെതിരെയാണ് ഈ നടപടികൾ അരങ്ങേറിയത്. ഈ നടപടിയിൽ ചെറുകിടക്കാർ മുതൽ വമ്പന്മാർ വരെ നിയമനടപടി നേരിടേണ്ടിവന്നു. ജില്ലകൾ വേർതിരിച്ചായിരുന്നു ഇതിൽ അന്വേഷണവും റെയിഡും നടന്നിരുന്നത്.