ഓഗസ്റ്റ് എഡ്വേർഡ് മാർട്ടിൻ
ഒരു ജർമ്മൻ പ്രസവചികിത്സകനും ഗൈനക്കോളജിസ്റ്റുമായിരുന്നു ഓഗസ്റ്റ് എഡ്വേർഡ് മാർട്ടിൻ (ജീവിതകാലം: 14 ജൂലൈ 1847, യെന – 26 നവംബർ 1933, ബെർലിൻ). അദ്ദേഹത്തിന്റെ പിതാവ്, എഡ്വേർഡ് അർനോൾഡ് മാർട്ടിനും (1809-1875) ഒരു ഒബ്സ്റ്റട്രിക്ക്സ് ആൻഡ് ഗൈനക്കോളജി സ്പെഷ്യലിസ്റ്റായിരുന്നു.
ജെന, ബെർലിൻ സർവ്വകലാശാലകളിൽ നിന്ന് വൈദ്യശാസ്ത്രം പഠിച്ച അദ്ദേഹം 1870-ൽ ഡോക്ടറേറ്റ് നേടി. ബെർലിനിൽ പിതാവിന്റെ സഹായിയായി ജോലി ചെയ്ത അദ്ദേഹം, അവിടെനിന്ന് 1876-ൽ ഹാബിലിറ്റേഷൻ നേടി. ബെർലിനിൽ അദ്ദേഹം തുറന്ന ഒരു സ്വകാര്യ ക്ലിനിക്ക് പിന്നീട് ഓപ്പറേറ്റീവ് ഗൈനക്കോളജിക്ക് പേരുകേട്ട സ്ഥാപനമായി മാറി. 1899 മുതൽ 1907 വരെ അദ്ദേഹം ഗ്രീഫ്സ്വാൾഡ് സർവകലാശാലയിൽ ഫുൾ പ്രൊഫസറായി സേവനമനുഷ്ഠിച്ച അദ്ദേഹം ഫ്രാവൻക്ലിനിക്കിന്റെ തലവനായും നിയമിതനായി.[1][2]
വൈവിധ്യമാർന്ന ഗൈനക്കോളജിക്കൽ, ഒബ്‌സ്റ്റെട്രിക്കൽ ശസ്ത്രക്രിയകൾ വികസിപ്പിച്ചതിന്റെ ബഹുമതി അദ്ദേഹം നേടിയിട്ടുണ്ട്, യോനി ഓപ്പറേഷനുകൾ ഉൾപ്പെടുന്ന അദ്ദേഹത്തിന്റെ പ്രവർത്തനത്തിന് പ്രത്യേകം അംഗീകാരം ലഭിച്ചു. അദ്ദേഹം വൈദ്യശാസ്ത്രത്തിലേക്ക് നിരവധി ഉപകരണങ്ങൾ അവതരിപ്പിച്ചു, അതിൽ ഒരു ഷീഡെൻസ്‌പെകുലം ഉൾപ്പെടുന്നു.[2] മാക്‌സ് സെയ്‌ഞ്ചറുമായി ചേർന്ന് അദ്ദേഹം 1894-ൽ[1] "ഫർ ഗെബർട്‌ഷിൽഫ് ആൻഡ് ഗൈനക്കോളജി" എന്ന പ്രസിദ്ധീകരണം ആരംഭിച്ചു.
തിരഞ്ഞെടുത്ത കൃതികൾ
തിരുത്തുക- ലീറ്റ്‌ഫാഡൻ ഡെർ ഓപറേറ്റീവ് ഗെബർട്‌ഷുൾഫ്, 1877.
- ഓഗസ്റ്റ് എഡ്വേർഡ് മാർട്ടിൻ എഡിറ്റ് ചെയ്ത എഡ്വേർഡ് അർനോൾഡ് മാർട്ടിൻ എഴുതിയ Hand-Atlas der Gynäkologie und Geburtshülfe (രണ്ടാം പതിപ്പ്, 1878), "അറ്റ്ലസ് ഓഫ് ഒബ്സ്റ്റട്രിക്സ് ആൻഡ് ഗൈനക്കോളജി" (1880) എന്ന് ഇംഗ്ലീഷിലേക്ക് വിവർത്തനം ചെയ്തു.
- ലെഹർബുച്ച് ഡെർ ഗെബർട്‌ഷിൽഫ്, ഫർ പ്രാക്‌റ്റിഷെ അർസ്‌റ്റെ ആൻഡ് സ്റ്റുഡിറെൻഡെ, 1891.
- ഹാൻഡ്‌ബച്ച് ഡെർ ക്രാങ്കൈറ്റൻ ഡെർ വെയ്ബ്ലിചെൻ അഡ്‌നെക്‌സോർഗൻ, 1895.
- ഫിലിപ്പ് ജേക്കബ് ജംഗിനൊപ്പം പാത്തോളജി ആൻഡ് തെറാപ്പി ഡെർ ഫ്രൗൻക്രാങ്കൈറ്റൻ (4-ാം പതിപ്പ് 1907), ഇംഗ്ലീഷിലേക്ക് വിവർത്തനം ചെയ്യുകയും "Pathology and treatment of diseases of women (സ്ത്രീകളുടെ രോഗങ്ങളുടെ പാത്തോളജിയും ചികിത്സയും)" (1912) എന്ന പേരിൽ പ്രസിദ്ധീകരിക്കുകയും ചെയ്തു. [3]
അവലംബം
തിരുത്തുക- ↑ 1.0 1.1 August Eduard Martin at Who Named It
- ↑ 2.0 2.1 Martin, August Eduard In: Neue Deutsche Biographie (NDB). Band 16, Duncker & Humblot, Berlin 1990, ISBN 3-428-00197-4, S. 284 f.
- ↑ HathiTrust Digital Library (published works)
പുറം കണ്ണികൾ
തിരുത്തുക- ഓഗസ്റ്റ് എഡ്വേർഡ് മാർട്ടിനിലേക്കുള്ള വഴികാട്ടി , ഷിക്കാഗോ സർവകലാശാലയിലെ പ്രത്യേക ശേഖരണ ഗവേഷണ കേന്ദ്രത്തിൽ ഏകദേശം 1800-കളിൽ ഫോഴ്‌സെപ്‌സസ് സ്‌ക്രാപ്പ്ബുക്കിന്റെ ചിത്രീകരണങ്ങൾ
- ഓഗസ്റ്റ് എഡ്വേർഡ് മാർട്ടിന്റെ ഗൈഡ് , ചിക്കാഗോ യൂണിവേഴ്സിറ്റിയിലെ പ്രത്യേക ശേഖരണ ഗവേഷണ കേന്ദ്രത്തിലെ കുറിപ്പുകൾ 1837