ഏണസ്റ്റ് ലുഡ്വിഗ് ആൽഫ്രഡ് ഹെഗർ
അല്ലെങ്കിൽ പുതിയ മെഡിക്കൽ ഉപകരണങ്ങളും സാങ്കേതിക വിദ്യകളും വികസിപ്പിക്കുന്നതിൽ പ്രശസ്തനായ ഒരു ജർമ്മൻ ഗൈനക്കോളജിസ്റ്റായിരുന്നു ആൽഫ്രഡ് ഹെഗർ എന്ന ഏണസ്റ്റ് ലുഡ്വിഗ് ആൽഫ്രഡ് ഹെഗർ. 1830 ജനുവരി 6 ന് ജർമ്മനിയിലെ ഡാർംസ്റ്റാഡിൽ ജനിച്ച അദ്ദേഹം 1914 ഓഗസ്റ്റ് 5 ന് അന്തരിച്ചു. അദ്ദേഹത്തെ ബ്രെയ്‌സ്‌ഗൗവിൽ അടക്കം ചെയ്തു.
ഒരു നാടൻ വൈദ്യനായിരുന്ന ജോഹാൻ ഓഗസ്റ്റ് ഹെഗാറിന്റെ (1794-1882) മകനായിരുന്നു ഹെഗാർ. ഗീസെൻ, ഹൈഡൽബെർഗ്, ബെർലിൻ, വിയന്ന എന്നിവിടങ്ങളിൽ വൈദ്യശാസ്ത്രം പഠിച്ച അദ്ദേഹം, ബിരുദാനന്തരം സൈന്യത്തിൽ ചേർന്ന് മിലിട്ടറി ഫിസിഷ്യനായി ജോലി ചെയ്തു. പിന്നീട് ഡാർംസ്റ്റാഡ് നഗരത്തിൽ പ്രസവചികിത്സകനായി സ്വകാര്യ പ്രാക്ടീസിലേക്ക് പോയി.
ആൽഫ്രഡ് ഹെഗർ 1864-ൽ ഫ്രീബർഗ് സർവകലാശാലയിൽ ഗൈനക്കോളജി ആൻഡ് ഒബ്‌സ്റ്റട്രിക്‌സ് പ്രൊഫസറായി ഓട്ടോ സ്പീഗൽബെർഗിന്റെ പിൻഗാമിയായി തിരഞ്ഞെടുക്കപ്പെട്ടു, 1868-ൽ യൂണിവേഴ്സിറ്റി മെഡിക്കൽ സെന്റർ ഫ്രീബർഗിന്റെ യൂണിവേഴ്സിറ്റി-ഫ്രൗൻക്ലിനിക്കിന്റെ ആദ്യത്തെ തലവനായിരുന്നു അദ്ദേഹം. ഹെഗാർ 1898-ൽ "Beiträge zur Geburthilfe und Gynäkologie" എന്ന ജേണലും ആരംഭിച്ചു. ആൻറിസെപ്റ്റിക്സിന്റെയും ആന്റിസെപ്റ്റിക് നടപടിക്രമങ്ങളുടെയും തുടക്കക്കാരനായിരുന്നു അദ്ദേഹം. ഹെഗാർ 1904-ൽ വിരമിച്ചു.
ഹെഗാർസ് ചിഹ്നം, ഹെഗാർ ഡൈലേറ്ററുകൾ, ഹെഗാർസ് ഓപ്പറേഷൻ, പൊട്ടിയ പെരിനിയം നന്നാക്കാനുള്ള ഓപ്പറേഷൻ എന്നിവ അദ്ദേഹം വികസിപ്പിച്ച നിരവധി സാങ്കേതിക വിദ്യകളുടെയും ഉപകരണങ്ങളുടെയും ഉദാഹരണങ്ങളിൽ ഉൾപ്പെടുന്നു. ലോകമെമ്പാടുമുള്ള ഒബ്‌സ്റ്റെട്രിക്‌സ് കോളേജുകളിൽ അദ്ദേഹത്തിന്റെ കൃതികൾ ഇപ്പോഴും വ്യാപകമായി ചർച്ച ചെയ്യപ്പെടുന്നു.
ഗൈനക്കോളജിസ്റ്റായ റുഡോൾഫ് കാൽറ്റെൻബാച്ചിനൊപ്പം (1842-1893), മൂന്ന് പതിപ്പുകളായി പ്രസിദ്ധീകരിച്ച ഓപ്പറേറ്റീവ് ഗൈനക്കോളജിയുടെ സഹ-രചയിതാവായിരുന്നു അദ്ദേഹം.[1]
റഫറൻസുകളും തുടർ വായനയും തിരുത്തുക
- പോൾ ഡീപ്‌ജെൻ: ഡൈ ഡച്ച് മെഡിസിൻ ആൻഡ് ഗൈനക്കോളജി ഇം സെയ്‌റ്റാൾട്ടർ ഡെർ വിസെൻസ്‌ഷാഫ്റ്റ്‌ലൈചെൻ അൻഫാൻഗെ വോൺ ആൽഫ്രഡ് ഹെഗർ, ഡച്ച് മെഡിസിനിഷെ വോചെൻസ്‌ക്രിഫ്റ്റ്, ബെർലിൻ, 1930.
- എ. മേയർ: ആൽഫ്രഡ് ഹെഗർ ആൻഡ് ഡെർ ഗെസ്റ്റാൾട്ട്‌വാൻഡൽ ഡെർ ഗൈനക്കോളജി സെയ്റ്റ് ഹെഗർ, ഫ്രീബർഗ്, 1961.
- ഡോർലാൻഡിന്റെ ഇല്ലസ്‌ട്രേറ്റഡ് മെഡിക്കൽ നിഘണ്ടു