എളന്തിക്കര

കേരളത്തിൽ എറണാകുളം ജില്ലയിലെ പറവൂർ താലൂക്കിൽ പുത്തൻവേലിക്കര പഞ്ചായത്തിലെ ഒരു ചെറു ഗ്രാമമാണ് എലന്തിക്കര. എലന്തിക്കര ഗ്രാമത്തിൽവച്ചാണ് ചാലക്കുടിപ്പുഴ പെരിയാർ നദിയുമായി സംഗമിക്കുന്നത്. പറവൂരിനെ തൃശ്ശൂരിലെ മാളയുമായി ബന്ധിപ്പിക്കുന്ന പാതയിലാണ് ഈ ഗ്രാമം സ്ഥിതിചെയ്യുന്നത്. വടക്കൻ പറവൂരാണ് ഈ ഗ്രാമത്തിന് ഏറ്റവും അടുത്തുള്ള പട്ടണം. ഇവിടുത്തെ ആദിമ നിവാസികൾ "ഇളയ നന്തി" അല്ലെങ്കിൽ "ഇളയ ഭഗവതിയെ" ആരാധിച്ചിരുന്നതിനാലാണ് ഈ സ്ഥലത്തെ എളന്തിക്കര എന്ന് വിളിച്ചിരുന്നതെന്നാണ് ഐതിഹ്യം.