എട്ടുകെട്ട്‌

കേരളത്തിലെ ഒരു വാസ്തു വിദ്യാരീതിയാണ് എട്ടുകെട്ട്. മൂന്നുകെട്ട്, നാലുകെട്ട്, പതിനാറുകെട്ട് തുടങ്ങി മറ്റുരീതികളും നില നിന്നിരുന്നു. പൂമുഖവും മൂന്നു നിലയുള്ള എട്ടു കെട്ടുപുരയും രണ്ടു നടുമുറ്റവും അടങ്ങുന്നതാണ് എട്ടുകെട്ട്. രണ്ടു നാലുകെട്ടുകൾ ചേർത്തു നിർമ്മിക്കുന്ന രീതിയാണ് എട്ടുകെട്ട്. മലപ്പുറം ജില്ലയിൽ മങ്കട പഞ്ചായത്തിൽ കടന്നമണ്ണ അംശത്ത്, കർക്കിടകത്ത് ദേശത്തുള്ള വള്ളുവനാട്ടിലെ നമ്പൂതിരി പരമ്പരയായ കർക്കിടകത്ത് മൂത്തേടത്ത് മന എട്ടുകെട്ടിൽ ഉള്ള ഭവനമാണ്.