എം. ചന്ദ്രശേഖരൻ
ചെന്നൈ സ്വദേശിയായ പ്രസിദ്ധ കർണാടകസംഗീത സമ്പ്രദായത്തിലെ വയലിനിസ്റ്റാണ് എം. ചന്ദ്രശേഖരൻ. 1938 നവംബർ 22-നാണ് ഇദ്ദേഹം ജനിച്ചത്[1]. നല്ലൊരു ഗായകനുമായ ഇദ്ദേഹം വയലിൻ വായനയ്ക്കൊപ്പം പാടുകയും ചെയ്യാറുണ്ട്[2].
ജീവിതരേഖ
തിരുത്തുക1949-ൽ കുട്ടിയായിരിക്കുമ്പോഴാണ് ഇദ്ദേഹം അരങ്ങേറ്റം നടത്തിയത്. ഇദ്ദേഹത്തിന്റെ അമ്മ ചാരുബല മോഹനന്റെ പേരിൽ കലാകാരെ കണ്ടെത്തി പ്രോത്സാഹിപ്പിക്കുക എന്ന ലക്ഷ്യത്തോടെ ഒരു ട്രസ്റ്റ് പ്രവർത്തിക്കുന്നുണ്ട്[1]. ബാലമുരളീകൃഷ്ണ പോലുള്ള ഗായകർക്കൊപ്പം ഇദ്ദേഹം കച്ചേരിയിൽ വയലിൻ വായിക്കാറുണ്ട്. പ്രശസ്ത വയലിൻ വിദഗ്ദ്ധയായ ജി. ഭാരതി ഇദ്ദേഹത്തിന്റെ മകളാണ്. രണ്ടാം വയസ്സിൽ ഉണ്ടായ മഞ്ഞപ്പിത്തത്തെത്തുടർന്ന് ഇദ്ദേഹത്തിന്റെ കാഴ്ച്ചശക്തി തിരിച്ചുകിട്ടാത്ത വിധം നഷ്ടപ്പെടുകയുണ്ടായി.
പുരസ്കാരങ്ങൾ
തിരുത്തുകഇദ്ദേഹത്തിന് മദ്രാസ് മ്യൂസിക് അക്കാദമിയിൽ നിന്ന് 2005-ൽ സംഗീത കലാനിധി പുരസ്കാരം ലഭിച്ചിട്ടുണ്ട്.[3] ഇദ്ദേഹം 2012 ഒക്റ്റോബറിൽ ഇന്ത്യൻ പ്രസിഡന്റിൽ നിന്ന് സംഗീത നാടക അക്കാദമി ഫെലോഷിപ്പ് സ്വീകരിച്ചിട്ടുണ്ട്. തുംകൂർ സർവ്വകലാശാലയിൽ നിന്ന് ഇദ്ദേഹത്തിന് കർണാടകസംഗീതത്തിനു നൽകിയ സംഭാവനകൾക്ക് ഓണററി ഡോക്ടറേറ്റ് നൽകപ്പെട്ടിട്ടുണ്ട്[1].
അവലംബം
തിരുത്തുക- ↑ 1.0 1.1 1.2 http://www.thehindu.com/news/cities/chennai/chen-arts/chen-music/violinist-celebrates-75th-birthday/article4153753.ece
- ↑ http://www.carnatic.com/people/cs-violin.html
- ↑ "Violinist with versatile skills". The Hindu. 1 December 2005. Archived from the original on 2006-02-13. Retrieved 13 January 2011.
|
കർണ്ണാടകസംഗീത സംഗീതവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |