ഉരുളൻ പരൽ

കേരളത്തിലെ ജലാശയങ്ങളിൽ കാണപ്പെടുന്ന പുൻടിയ്സ് വർഗ്ഗത്തിൽപ്പെട്ട ഒരിനം പരൽ മത്സ്യമാണ് ഉരുളൻ പരൽ.(ശാസ്ത്രീയനാമം: Puntius mahecola).

Puntius mahecola
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Actinopterygii
Order:	Cypriniformes
Family:	Cyprinidae
Genus:	Puntius
Species:	P. mahecola
Binomial name
Puntius mahecola (Valenciennes, 1844)

നാമകരണം

1844ൽ വാലൻസീനെസ് എന്ന ജീവശാസ്ത്രകാരനാണ് മാഹിയിൽ നിന്നും ഈ മത്സ്യത്തെ കണ്ടെത്തി ശാസ്ത്രനാമം നൽകുന്നത് Valenciennes,1844).നിവസിക്കുക എന്നർഥം വരുന്ന കോള(cola) എന്ന ലാറ്റിൻ പദവും ചേർത്ത് മാഹിയിൽ നിവസിക്കുന്ന എന്ന അർഥത്തിൽ മാഹിക്കോള എന്ന ശാസ്ത്രനാമം ഇതിന് നൽകിയിരിക്കുന്നു. ഉരുളൻ പരലിന്റെ ശാസ്ത്രനാമം ഈ അടുത്ത കാലം വരെ പുൻടിയസ് ആംഫീബിയൻസ് എന്നാണ് കരുതിപ്പോന്നിരുന്നത്. 2005ൽ നടന്ന ഗവേഷണങ്ങളുടെ ഫലമായി ഇവ മാഹിക്കോളയാണെന്ന് തിരിച്ചറിയുകയായിരുന്നു.

വിതരണം

കേരളത്തിലെ എല്ലാ ശുദ്ധജല ആവാസവ്യവസ്ഥകളിലും ഉരുളൻപരലിനെ കണ്ടുവരുന്നു. ദക്ഷിണേന്ത്യയിലാണ് കൂടുതലായും ഈ മത്സ്യത്തെ കണ്ടുവരുന്നത്.

ശരീരപ്രകൃതി

ശരീരം നീണ്ട് ഉരുണ്ടതാണ്. ശരാശിരി 10 സെന്റി മീറ്റർ വലിപ്പം വയ്ക്കുന്നു.

ഉപയോഗങ്ങൾ

കേരളത്തിലെ ഉൾനാടൻ മത്സ്യസമ്പത്തിലെ പ്രധാനമത്സ്യമാണിത്. ഭക്ഷണത്തിനായാണ് ഉരുളൻ പരലിനെ പ്രധാനമായും ഉപയോഗിക്കുന്നത്. അപൂർവ്വമായി അലങ്കാരമത്സ്യമായും ഉപയോഗിച്ചുവരുന്നു.