ഉമ്മിണിത്തമ്പി

വേലുത്തമ്പിയുടെ പതനത്തിനു ശേഷം 1809 മുതൽ 1811 വരെ തിരുവിതാംകൂറിലെ ദളവയായിരുന്നു ഉമ്മിണിത്തമ്പി. തിരുവിതാംകൂറിൽ ആദ്യമായി കാവൽ എന്ന പേരിൽ പോലീസിന് തുടക്കം കുറിച്ചത് ഇദ്ദേഹമായിരുന്നു. ഈസ്റ്റ് ഇന്ത്യാ കമ്പനി സജ്ജീകരണങ്ങളെ അനുകരിച്ച് നാല് ഇൻസാഫ് (നീതി ന്യായ)കോടതികളും ഠാണാവുകളും (തടവുമുറി)സ്ഥാപിച്ചു.

ജീവിതരേഖ

തിരുവനന്തപുരം നഗരത്തിലെ കരമന ആണ്ടിയിറക്കത്ത് പുതുമന അമ്മവീട്ടിലാണ് ഉമ്മിണി ജനിച്ചത്. വളരെ ചെറുപ്പത്തിലെ സർക്കാർ സേവനത്തിൽ പ്രവേശിച്ചു. കാവൽപ്പടയിലെ നായകനായിരുന്നു. ബ്രിട്ടീഷ് റസിഡന്റിന്റെ അപ്രീതിക്കിരയായ ഉമ്മിണിയെ നെല്ലൂരിൽ കടത്തി തടവിലാക്കി. അവിടെ മരണമടഞ്ഞു.