അമേരിക്കൻ ഐക്യനാടുകളിലെ അലാസ്ക സംസ്ഥാനത്ത് അലൂഷ്യൻ ദ്വീപുകളിലെ ഫോക്സ് ദ്വീപസമൂഹത്തിൽ 53°38′N 167°00′W / 53.633°N 167.000°W / 53.633; -167.000 അക്ഷാംശ രേഖാംശങ്ങളിൽ സ്ഥിതിചെയ്യുന്ന ഒരു ദ്വീപാണ് ഉനലാസ്ക. ഈ ദ്വീപിന്റെ വിസ്തൃതി 1,051 ചതുരശ്ര മൈലാണ് (2,720 ചതരശ്ര കിലോമീറ്റർ). ദ്വീപിന് 79.4 മൈൽ (127.8 കിലോമീറ്റർ) നീളവും 34.7 മൈൽ (55.8 കിലോമീറ്റർ) വീതിയുമുണ്ടെന്ന് കണക്കാക്കപ്പെടുന്നു. അലാസ്കയിലെ ഉനാലാസ്ക നഗരം ദ്വീപിന്റെ ഒരു ഭാഗവും ഡച്ച് ഹാർബർ തുറമുഖം സ്ഥിതിചെയ്യുന്ന സമീപത്തെ അമാക്നാക് ദ്വീപും ഉൾക്കൊള്ളുന്നു. അമാക്നാക്ക് ഒഴികെയുള്ള ദ്വീപിലെ ആകെ ജനസംഖ്യ 2000 ലെ യു.എസ്. സെൻസസ് പ്രകാരം 1,759 ആയിരുന്നു.

ഉനലാസ്ക
Native name: Nawan-Alaxsxa[1]
Location map Unalaska.png
Map of the island
ഉനലാസ്ക is located in Alaska
ഉനലാസ്ക
ഉനലാസ്ക
Geography
Coordinates53°40′24″N 166°38′54″W / 53.67333°N 166.64833°W / 53.67333; -166.64833Coordinates: 53°40′24″N 166°38′54″W / 53.67333°N 166.64833°W / 53.67333; -166.64833
ArchipelagoFox Islands
Area1,051 sq mi (2,720 കി.m2)
Length128 km (79.5 mi)
Width56 km (34.8 mi)
Highest elevation5,906 ft (1,800.1 m)
Highest pointMount Makushin
Administration
United States
StateAlaska
Census AreaAleutians West Census Area
Largest settlementUnalaska, Alaska (pop. 710)
Demographics
Population1,759 (2000)
Pop. density0.65 /km2 (1.68 /sq mi)

ഫോക്സ് ദ്വീപസമൂഹത്തിലേയും അലൂഷ്യൻ ദ്വീപുകളിലെയും രണ്ടാമത്തെ വലിയ ദ്വീപാണ് ഉനാലസ്ക. മറ്റ് പ്രധാന അലൂഷ്യൻ ദ്വീപുകളെ അപേക്ഷിച്ച് നിരവധി ഇടക്കടലുകളും ഉപദ്വീപുകളുമായി ഉനാലാസ്കയുടെ തീരപ്രദേശത്തിന് കാഴ്ചയിൽ പ്രകടമായ വ്യത്യാസമുണ്ട്. ദ്വീപിന്റെ ക്രമരഹിതമായ തീരപ്രദേശം ബീവർ ഇൻലെറ്റ്, ഉനലാസ്ക ബേ, മകുഷിൻ ബേ എന്നി മൂന്ന് നീളമുള്ള ആഴക്കടലുകളാലും നിരവധി ചെറിയ തുറകളും അഴിമുഖങ്ങളാലും ചിതറി കാണപ്പെടുന്നു. പരുക്കൻ പർവതങ്ങളാൽ മൂടപ്പെട്ടിരിക്കുന്ന ഉനാലാസ്ക ഭൂപ്രദേശത്തിന്റെ ഉന്നത ഭാഗങ്ങൾ വർഷത്തിന്റെ ഭൂരിഭാഗവും മഞ്ഞ് മൂടിക്കിടക്കുന്നു.[2]

ദ്വീപിന്റെ അല്യൂട്ട് പേരാണ് ഉനലാസ്ക. നവാൻ അലാസ്കാക്സ് എന്ന പ്രധാന ഭൂപ്രദേശത്തിനു പറയുന്ന അല്യൂട്ട് പദത്തിന്റെ ഒരു രൂപമാറ്റമായ റഷ്യൻ പദമായ ഉനലാഷ്കയിൽ നിന്നാണ് ഈ പേര് ഉരുത്തിരിഞ്ഞത് എന്നുൾപ്പെടെ അതിന്റെ ഉത്ഭവത്തെക്കുറിച്ച് നിരവധി സിദ്ധാന്തങ്ങൾ നിലവിലുണ്ട്.

ചരിത്രംതിരുത്തുക

 
ഉനലാസ്ക ദ്വീപിന്റെ തെക്കൻ തീരത്തെ കേപ് അയാക്, ജൂലൈയിൽ

ഉനങ്കാൻ അഥാവാ അല്യൂട്ട്സ് എന്നു വിളിക്കപ്പെടുന്ന തദ്ദേശീയ ഉനാലാസ്കന്മാരും ഉനങ്കാൻ അല്ലാത്തവരുമൾപ്പെടെയുള്ളവർ 10,000 വർഷത്തോളമായി ദ്വീപിൽ അധിവസിക്കുന്നു.[3] 1741 ൽ വിറ്റസ് ബെറിംഗ് ആണ് ഈ ദ്വീപ് ആദ്യമായി കണ്ട പാശ്ചാത്യൻ.[4] 1759 ആയപ്പോഴേക്കും 3,000 അല്യൂട്ടുകൾ ഉനാലസ്ക ദ്വീപിൽ താമസിച്ചിരുന്നു. 1759-ൽ ഒരു റഷ്യൻ വാസസ്ഥലം നിർമ്മിക്കപ്പെട്ടുവെങ്കിലും ഏതാണ്ട് നാല് വർഷത്തിന് ശേഷം നാല് വ്യാപാര കപ്പലുകൾക്കൊപ്പം അല്യൂട്ട് വർഗ്ഗക്കാർ ഇത് നശിപ്പിച്ചു. ഈ ആക്രമണത്തിൽ 162 റഷ്യൻ കുടിയേറ്റക്കാർ കൊല്ലപ്പെട്ടു. അതിജീവിച്ചവർ റഷ്യക്കാർ അവരെ രക്ഷപ്പെടുത്തിയ 1764 വരെയുള്ള കാലംവരെ അവിടെ സ്വന്തമായി പിടിച്ചുനിന്നിരുന്നു. ഈ സംഭവം തദ്ദേശീയർക്കെതിരെ രക്തരൂക്ഷിതമായ ഒരു പ്രതികാരത്തിന് കാരണമായിത്തീരുകയും അയ്യായിരത്തോളം അലൂട്ടുകളുടടെ ജീവൻ അപഹരിക്കുന്നതിനിടയാക്കുകയും ചെയ്തു. 1787 ആയപ്പോഴേക്കും നിരവധി അല്യൂട്ടുകളായ സീൽ വേട്ടക്കാരെ റഷ്യൻ അമേരിക്കൻ കമ്പനി അടിമകളാക്കുകയും സീൽ രോമങ്ങൾ സംഭരിക്കുന്നതിന് നിർബന്ധിക്കുകയും ചെയ്തു. 1840 ആയപ്പോഴേക്കും 200 മുതൽ 400 വരെ അല്യൂട്ട്സ് മാത്രമാണ് ഈ ദ്വീപിൽ അധിവസിച്ചിരുന്നത്.[5]

1788 ൽ എസ്റ്റെബാൻ ജോസ് മാർട്ടിനെസ്, ഗോൺസാലോ ലോപ്പസ് ഡി ഹാരോ എന്നിവരുടെ പര്യവേഷണം ഈ പ്രദേശത്ത് ഇതുവരെ പര്യവേക്ഷണം ചെയ്യപ്പെട്ടതായ ഏറ്റവും പടിഞ്ഞാറ് അടയാളപ്പെടുത്തിയ അലാസ്ക തീരത്തെ ഉനാലാസ്ക ദ്വീപ് വരെ പര്യവേക്ഷണം ചെയ്തു.[6]

1788-ൽ ഇംഗ്ലീഷ് പര്യവേക്ഷകനായ ജെയിംസ് കുക്ക് ഈ ദ്വീപ് സന്ദർശിക്കുകയും തന്റെ ജേണലിൽ ഊനലാഷ്ക എന്ന് രേഖപ്പെടുത്തുകയും ചെയ്തു.[7] 1988 മെയ് 31 ന് മോസ്കോയിൽവച്ച് പ്രസിഡന്റ് റൊണാൾഡ് റീഗൻ, 19-ആം നൂറ്റാണ്ടിൽ ഈ ദ്വീപിൽ അമേരിക്കക്കാരും റഷ്യക്കാരും നടത്തിയ കൂടിക്കാഴ്ചയെ യുഎസ്-റഷ്യൻ ആദ്യകാല സൗഹൃദത്തിന്റെ ഉദാഹരണമായി പരാമർശിച്ചിരുന്നു.

അവലംബംതിരുത്തുക

  1. Bergsland, K. (1994). Aleut Dictionary. Fairbanks: Alaska Native Language Center.
  2. US Coast Pilot 9, Chapter 7, Aleutian Islands
  3. https://www.alaska.org/destination/dutch-harbor-unalaska
  4. https://www.johnzada.com/unalaska-us-island-once-ruled-by-russia/
  5. https://www.apiai.org/tribes/unalaska/
  6. Hayes, Derek (1999). Historical Atlas of the Pacific Northwest: Maps of exploration and Discovery. Sasquatch Books. p. 67. ISBN 1-57061-215-3.
  7. Encyclopædia Britannica Third Edition, 1797 Volume 13 article Oonalashka, and Volume 5 article Cook, James.
"https://ml.wikipedia.org/w/index.php?title=ഉനലാസ്ക_ദ്വീപ്&oldid=3439285" എന്ന താളിൽനിന്ന് ശേഖരിച്ചത്