അൽ ഖ്വാമിഷ്‍ലി
അൽ ഖ്വാമിഷ്‍ലി (അറബി: القامشلي, സുറിയാനി: ܒܝܬ ܙܠܝ̈ܢ, കുർദിഷ്: Qamişlo), വടക്കു കിഴക്കേ സിറിയയിലെ തുർക്കിയുമായി അതി‍ർത്തി പങ്കിടുന്ന മേഖലയിലെ ഒരു പട്ടണമാണ്. തുർക്കിയിലെ നുസൈബിൻ പട്ടണത്തിനു സമീപമാണിത് സ്ഥിതി ചെയ്യുന്നത്. അതുപോലെ തന്നെ ഇറാക്കിനു വളരെ സമീപമാണ് ഈ പട്ടണം. 2004 ലെ സെൻസസ് പ്രകാരം ഈ പട്ടണത്തിലെ ജനസംഖ്യ 184,231 ആയിരുന്നു.[1] ഡമാസ്കസിന് 680 കിലോമീറ്റർ (420 മൈൽ) വടക്കുകിഴക്കായിട്ടാണ് അൽ ഖ്വാമിഷ്‍ലി പട്ടണത്തിൻറെ സ്ഥാനം [2]ഈ പട്ടണം അൽ-ഹസാക്കാ ഗവർണറേറ്റിൽ ഉൾപ്പെടുന്ന അൽ ഖ്വമിഷ്‍ലി ജില്ലയുടെ ഭരണ തലസ്ഥാനമാണ്. ഈ ഗവർണറേറ്റിലെ മൊത്തം ജനസംഖ്യ 2004 ലെ കണക്കുകൾ പ്രകാരം 232,095 ആണ്.
ജനസംഖ്യ
തിരുത്തുക
ഈ പട്ടണത്തിലെ ജനസംഖ്യ 2004 ലെ സെൻസസ് പ്രകാരം 184,231 ആണ്. ജനസംഖ്യയനുസരിച്ച് സിറിയയിലെ 10 വലിയ പട്ടണങ്ങളിൽ ഒന്നാണിത്.
അൽ ഖ്വാമിഷ്‍ലിയിലെ മുഖ്യ ജനവിഭാഗങ്ങൾ, അറബികൾ, അസീറിയക്കാർ, കുർദുകൾ, അർമേനിയക്കാർ എന്നിങ്ങനെയാണ്. വ്യത്യസ്ത ജനവിഭാഗങ്ങൾ ഇടകലർന്ന പട്ടണമാണിത്. അസീറിയക്കാരും അർമീനിക്കാരും ഈ പട്ടണത്തിലെ ന്യൂനപക്ഷ വിഭാഗങ്ങളാണ്. സിറിയയിലെ ക്രിസ്ത്യൻ കേന്ദ്രമായിട്ടാണ് പട്ടണത്തെ കണക്കാക്കുന്നത്.
- ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;census2004എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ Zurutuza, Carlos. "Syria's first Kurdish-language newspaper." (Archive) Al Jazeera. 18 October 2013. Retrieved on 22 October 2013.