അൽ-യമാമ

നിലവിലെ സൗദി അറേബ്യയുടെ മധ്യഭാഗത്തായി നിലവിലുണ്ടായിരുന്ന ഒരു പുരാതന മേഖലയായിരുന്നു അൽ-യമാമ (അറബി: اليمامة‬) . നജ്‌ദ് പ്രദേശത്തിന്റെ ഭാഗമായിരുന്നു യമാമ. ആധുനിക സൗദി അറേബ്യയിൽ അൽ ഖർജിനടുത്ത് നിലകൊള്ളുന്ന ജവ്വ് അൽ യമാമ എന്ന പുരാതനഗ്രാമം മാത്രമാണ് അവശേഷിക്കുന്നത്. ഒരു മേഖല എന്നോ പ്രദേശം എന്നോ നിലയിൽ ഇന്ന് നിലനിൽക്കുന്നില്ലെങ്കിലും ഭൂതകാല പാരമ്പര്യം സൂചിപ്പിക്കാനായി ഈ പേര് ഉപയോഗിക്കപ്പെടുന്നുണ്ട്. (ഉദാഹരണത്തിന് റിയാദിലെ സൗദി സർക്കാരിന്റെ ആസ്ഥാനം യമാമ കൊട്ടാരം എന്നറിയപ്പെടുന്നു).

യമാമ പ്രദേശം അതിന്റെ ഏറ്റവും വിസ്തൃതമായ അവസ്ഥയിൽ. ഇസ്‌ലാമിന് മുൻപും ഇസ്‌ലാമിന്റെ ആദ്യകാലത്തും മേഖലയിൽ നിലവിലുണ്ടായിരുന്ന പ്രമുഖ ജനവാസകേന്ദ്രങ്ങൾ അടയാളപ്പെടുത്തിയിരിക്കുന്നു.

628-ൽ യമാമയിലെ രാജാവിന് പ്രവാചകൻ മുഹമ്മദ് ഇസ്‌ലാമിലേക്ക് ക്ഷണിച്ചുകൊണ്ട് കത്തയക്കുകയുണ്ടായി.

പ്രവാചകൻ മുഹമ്മദിന്റെ വിയോഗത്തോടെ ഈ മേഖലയിൽ സംഭവിച്ച രിദ്ദ യുദ്ധങ്ങളാൽ ഈ പേര് (യമാമ യുദ്ധം) വിഖ്യാതമായി മാറി.